川西游记

　　有四个月无写日志啦..太懒啊!!今次四川省旅游..系我甘大个仔远足最长路程噶旅程..开车行咗五千四百公里..虽然时间紧..一路走马观花..但沿途风光实在太靓啦..靓到令人难忘!!
　　年初一下午出发..开咗24个钟头车到达成都市..每个人都好疲倦..傍晚食完饭早早就训觉..第二日系成都出发..目的地四姑娘山..我都吾记得开咗几耐噶车啦..大概系下午四点到咗山脚噶日隆镇..因为地势高..沿途经过海拔四千二百几噶高地..同行噶人有D有高原反应..其中我地噶黑明哥因为太自信..食完饭仲要跑返酒店..结果LAI野!!!又晕又呕...到咗第日要稳机器吸氧..连四姑娘山都上吾到去睇...好在我到咗后饮咗＂红景天＂打底...完全无事!!当晚噶晚宴系烤全羊..口味问题...觉得难食到死..因为旅游设施落后..酒店无暖气..好在有电热毯..吾系就冻死!!我训到五点就醒咗..因为无水饮...好口干..六点八个字落停车场上车拿矿泉水..落到去吓咗我一跳..快七点了..仲系漆黑一片..满天星斗..气温零下十二度..冻到我对手僵晒..八点..准时出发..骑马上海子沟睇四个姑娘...我第一次骑马..但吾惊..因为只马都吾识跑噶..慢到死!!踢距鞭距..距就系吾跑!!但山路崎岖..有时仲经过悬崖..都有D胆怯噶...点解叫四姑娘山?因为座山系由四座山终年积雪噶山峰组成..其中大姑娘到依家都未有人征服到..仲系处女峰...可能高..海罢六千几..加上险..所以无人敢上..睇完姑娘..骑马落山..已经中午了..又要驱车赶路..到下一个地方..小金县..丹巴县!
　　沿途系峡谷..有时有冰瀑布睇...经过某个地方..有村民拦路打劫!!要每部车比十文先比过..唉..无计..当扶贫!!到咗丹巴..睇完梭坡古碉楼..就开车上山..去一个叫甲居村噶村落..听讲个度有全国最美丽噶村庄之称..一到咗..果然于众不同..成条村都好有特色..我地系一个村民屋企住落..个D屋好得意噶..屋里面D布置好似西藏风格..我地六个男人住系一间大房..当晚倾计方便阿嘛..嘻...晚饭时主人家唱咗两首歌比我地听..果然好客!!
　　下一站..康定..去唱情歌...沿途经过八美乡...个度D风景真系靓到晕啊!!雪山..蓝天..天上一朵云都无!!不过D路好烂..开得好慢..特别系到咗新都桥..因为个条系川藏线..离西藏大概仲有五六百公里..好多大车行..D路劲烂!!..记得温差好大..上山时十四五度..到咗山顶零下二度..落山仲夸张!!零下十一度!!下午六点几到达康定县..天上飘住点点雪花..有仲浪漫噶感觉涌上心头..嘻嘻..可惜无女朋友...住落后食完饭..因为实在太冻啦..边度都吾想去..几个男人系房开会..讨论歪嘴稀<淫照门>事件...第日又一早出发了..去重庆..系食早餐时我地隔离台有个康定MM..索到傻啊!!简直可以比美刘亦菲!!!吾好话我地D单身男人..连已婚男士都眼甘甘..距地噶女人都赞个MM靓...我地仲帮距埋单..哈哈!!
　　继续开车..到重庆已经系晚上十点几了..重庆夜景好迷人..好似香港中环..我地食完当地正宗噶麻辣火锅就返酒店训了..第日醒咗就去游朝天门..解放碑等景点..下午去瓷器口..个个古镇听讲比丽江仲要古老..三点半..开车离开重庆..离开四川..踏上归途...因为太累啦..经过广西北海时..入去住返一晚..呵..又故地重游...游记就写到呢度..想知多D..睇相啦!!!