新旧咪神交"波"!陈伟琪约满无綫 波波接棒上位 陈敏之、余德丞、谢东闵、陈伟琪、黄凯仪(波波)、麦大力以及名媛诸葛紫岐等昨日到中环出席夜店开幕活动,场面热闹,两大新旧无綫咪神同场,更是焦点。拥有34E身材的咪神陈伟琪,与36E无綫新一代咪神波波,同样大晒性感,尽骚"Big"爆身材,场面火辣,而陈伟琪更宣布离巢,意味波波正式接棒,稳座咪神之位! 一直被传因负面报道而暂别《爱.回家之开心速递》的陈伟琪,以透视装大晒5吋事业线,且透露近日已正式约满无綫,直言希望继续演戏的她,欢迎制作单位洽商。她坦言再演"细龙太"机会微,又指今次离巢,非自己选择,全程语带无奈。由于已演出《爱》剧3年,她表示对同事及自己的角色十分不舍,会约"假老公"郑世豪敍旧。虽然演艺事业暂时"冻过水",但约个多月前她开始网上生意,主要经营西班牙黑毛猪买卖,且至今生意不错,日后会加倍努力。 而同样超性感上阵的波波,身穿意大利品牌内衣、以"中门大开"配西装褛现身,大晒36E丰满上围,相当吸睛!记者打趣问她为何如此"惹火",她说:"上次行完内衣骚,觉得可以接受尺度大啲,挑战唔同嘅服装Style。(公司畀你咁着?)其实我哋每次出席活动着嘅衫,公司都会过目先。其实我今次唔止性感,系展示健康嘅线条,行出嚟最重要有自信。(你有底线?)太暴露唔可以,三点尽露一定唔得。我有底线嘅,做人最紧要有,有啲嘢唔可以触犯。" 谢东闵现身中环出席开幕活动,期间主动向记者展示面部因参加无綫节目《明星奥运赛》、苦练拳击留下的伤势,又透露曾往医院检查:"因为发现右手冇力,点知医生见到我嘅情形,就话系韧带撕裂,依家肿咗。(退赛?)我未决定,仲谂紧,会同公司商量吓先。(你自己意愿呢?)我梗系想打落去啦。" 他坦言得悉伤势后,不开心了一个下午:"话晒为咗今次上擂台,我都苦练17、8日,又好努力咁落磅,两星期减咗10磅。我打到块面留伤痕,想用化妆品遮都遮唔晒。如果今日唔系见记者,我真系唔记得咗自己艺人嘅身份,全程投入拳击生涯!所以如果冇得打落去,好可惜啰。" 转自看港剧,侵删。