胡鸿钧夺陈嘉慧第一次大赞好表现
胡鸿钧夺陈嘉慧第一次 大赞好表现!
无綫新短篇爱情喜剧《爱上我的衰神》昨日(25日)进行拜神仪式,主演胡鸿钧(Hubert)、陈嘉慧(Erica)、马贯东、麦美恩等众演员一同出席,而无綫高层杜之克亦有现身撑场。受访时笑指Hubert夺去Erica"第一次"做女主角的机会,他表示好荣幸,希望对方能留下美好回忆。问到会否夺女方的萤幕初吻?他透露会有吻戏:"系好含蓄、唔深情嘅,仲系个意外嚟。(咁咪唔唯美?)意外先印象深刻,一世都会记得!"
再问到会否有床戏?Hubert踢爆最想同Erica有床戏的是监制:"每次见到我都系问Erica喺边?又问我佢表现得好唔好,的确以佢第一次做女主角嚟讲,我系喜出望外,因为佢唔怯场、准备又充足,做到角色嘅性格。"Erica听到对方赞赏即刻大表感动:"首次咁重戏份系好紧张,成日都会捉住导演、监制问意见。(有传你系被无綫力捧?)希望公司畀多啲机会我。"问到接受加床戏?她抵死反问对象是否Hubert,男方帮手解围:"睇吓剧本系咪需要,要嘅话相信佢都唔介意,大家都系专业嘅演员,就等监制安排啦!"
艺人马贯东于无綫新短篇爱情喜剧《爱上我的衰神》中饰演顶级衰神,昨日(25日)以一头浅灰蓝色新发型兼玩味造型亮相,他笑言是为新剧牺牲,两星期要漂头一次,幸好短剧只有10集,漂2次就搞掂:"每次漂染都要花4个钟,依家啲头发好脆弱,拉一拉就断,梳头仲会狂甩发。(男人最忌脱发,惊拍完甩晒啲头发?)发型师话唔会影响发根。"又语带相关笑话:"男人条‘根’好重要㗎嘛!希望唔会甩头发。"
他笑指女友好满意他的新造型,自己都希望可以Keep一排,并笑说:"我啲头发生得好快,年纪再大啲就冇得嚣㗎啦!"然后再介绍一身富玩味感的装束是"沟女战衣":"今次个角色好大胆,沟尽剧中所有女仔,但我有少少密集恐惧症,照镜睇到会想呕。(睇到样定衫先?)加埋一齐呕得更激烈,哈哈!"
转自看港剧