扫荡归来

　　计划一排的扫货行七号终于实施,为左省钱今次两家人去,六个半人包一部车来回(以后绝不甘做)今次住沙田间帝都(我觉得唔多适合我住)我一个旅行袋内装左几个代,同事另一家就一个行李箱,我地九点前已发出早上算无咩车,我地寄埋行李即去老尖去(最后都系放弃金钟)沿路见GUCCI、LV都无人排队以为发达不用排，点知去到小香已有成十人排紧，今次去小香重点系买野送番比姑姐，开始想住买耳环的，不过见到条链几钱又好抵，我自已都忍唔住一式两条，D手袋款好齐（边个想买现在都可以去），我自已就无钱买了现在全部升得好紧要，09年买个个现在足足升左两万蚊，听说又快要升了~~~~~~（真不让人活）之后我地去左B家，都几多打折外TAO呀，不过好似唔靓，我地即时走人去糖朝医肚，扑街！沿路问左N间卓悦都话无日本奶粉同大王屎片，都系得番细码之类的，食完饭我地山长水远走番旺角球场附近稳间叫东西贸易买奶粉（以前我住丽东个时记得有）个度D日本野好齐，全部日本野可能贵小小，但屎片奶粉全部好充足以后费事烦都帮衬拒算了。之后小肥顶唔紧带左个仔回酒店训觉，我自已同姑仔分开行，COACH几多款打五折，忍唔住扫左个比自已同姑仔，到时唔用比阿妈用也好，之后去左大TOM买衫比肥仔同细佬，HM买左小小饰品同两件衫比细佬（我觉得沙田间HM不好，货少童装都无的，还是又一城间好够大）今次唔知发咩瘟我竟然无入ZARA，自已蛇左去周大福买龙凤扼同介指，妈的又唔见我一旧钱，行番酒店见到有间店的女装打折好似好便，折埋有些二三旧水左右，不过有些都要三仟几，我甘省当然买便的啦，好快扫左三条裙一件衫走人（今次行程我自已就买左呢四件衫，无任何衫呀鞋呀买到了，无心去睇因为出来前在网上买左好多，不想再晒钱）放埋野我地同埋根叔拒地一齐大家乐，今次都系涮涮锅，小肥话系度晒埋D时间，因为沙田无大POLO我地又要坐火车去又一城，好伦烦~男装呢次好抵女装不好睇，买完帮99买埋金牌仔又番酒店，他们回房休息我就跟同事去万宁日用品，D野好重提番酒店提到我痴根~~~~~
　　第二天八点多我就起床了因为我话要带个仔去SNOOPY公园玩，但去到发现人地要十点才开，之后三口去百佳帮人买野，买买下自已打左大堆0食，第一次系HK买甘多野食，见到有黄白蓝大袋即时买两件（虽然样衰左D但好有用）食埋早餐成十点我跟同事闪去旺角采丰行，小肥就带个仔去公园玩过，虽然我带左部袋式车仔，但D沫浴路好重好重，我买左两支再加十包补充装拉番酒店拉到我手痛到现在，我系旺角买左D姓氏利是封，我专登去买的，虽然唔便但我还是钟意利是包得靓靓的，本来赶住番酒店退房点知死个发达通有问题，好彩酒店可以一点退，我地番去打好包好多行李，比根叔笑：＂小敏，发达啦＂小肥带仔去玩具反斗城，我地就去荷花，想买的沫浴路好彩做减价，根叔坐系度等时我就介绍同根步讲呢D小朋友野几钱，个D几钱再同拒讲：＂根步现在的小朋友野好贵架。＂要比D老人家知道现在不同以前，仲以为养个小朋友甘便。买完李我地又四散各行，因为约左士机三点，所以仲有两个钟头，去左万宁换煲，再行李一田，帮表弟同蛇仔条女，婷妈找的野，扑街好多店都无货的，话买两件衫比老豆都找不到想要个个牌子，最后系一田一个男装专柜扫左，条友又成日扭计，差不多三点即时集中，个士机见到我地的行李吓死兼有小小黑面，因为太多野太重搞到拒部车无咩力，而我地就惨特别我同P哥姑仔坐后排屈死，比行李坐左好多地方，加到来我话晚上不要煮饭出去食，我食左碗半同食左好多送，食到好饱因为太累了，我要食多D补充下，今早称重比出去前又轻左小小，我仲怕拒重左，睇来呢两天行得多~~~~~
　　总结：以后不会住沙田，都系要住番朗豪（小肥也赞同）因为我地去的地方成日要转几次车好伦烦，重点沙田人劲多好多野都无货，帮表弟问个个盆盆粉问左卓悦万宁SASA都话无，细佬的雪肌精又话无，问到烦埋。以前总会买一大堆衫裤鞋袜的我今次长大了，不会乱买野了，今次连我小肥也觉得怪的一件事系我一件衫鞋都无买到比P哥，平时痴线的我今次好清醒，因为我买左太多太多新衫（今早快递都收到八件衫）成十多对新鞋，小肥就爽D，仲有小肥第一次主动买左份礼物比P哥，真系第一次比拒笑拒要检讨下
　　全部都系我地，讲真好似好多野但无咩野系我自已的，今次太亏自已了~~~
　　真系好便抵到烂，我自已个个才2700，上面个仲抵
　　越来越钟意小香的链~~~~