悲喜之年

　　今日系星期五，记得上一次写日记都系星期五噶事……系过去呢两个星期里面，发生最唔少事，有极悲极喜，有聚散离合，有生离死别……
　　讲下D开心野先啦 首先系大年三十晚，团年饭之后同BT，妍&距噶F（距叫姜文……大导演……）出去行花街宵夜直落，本身行花街个时因为大家都唔熟大家所以经常冷场，但系坐低饮酒玩游戏之后大家都熟落左唔少，大家顷左好多关于感情噶野，妍仲因为BT一个占卜游戏喊左……不过都好，距话有所觉悟喔，到衣家都仲坚持到噶，第日就唔知啦，呵呵 比较少甘样大家饮得大大地甘顷计，好爽
　　初一到初四，我沉浸于酒池肉林同埋一阵又一阵噶麻将声里面，比人系甘质我食野，麻将又无我分喔，无咩好讲，三个字：闷到烦！……AAA，米住，差D唔记得左仲有D开心野，就系同BT许靖去睇烟花，虽然之前因为唔识路比距地激到无晒声出，但系最后都比我好机警甘上左人地一栋靓楼上面睇左后半PART噶烟花，犀利呢！年初一个晚雨粉粉，所以睇落好烟雨迷朦，好正！
　　初五初六，我地开始玩翻四年前玩噶魔力——私服，点解玩私服？人20倍经验，技能30倍经验，一个星期等于以前一个学期进度，唔使钱！其实呢D一切都系其次，我玩个时虽然睇落都系木木下唔多讲野，但系睇住以前噶一班＂战友＂又再聚埋一齐周围去打怪练级，好似高一个时甘，感觉真系好好咯（开始回忆旧事……真系老啦）。
　　初十我同BT去左舞狮，本来林住甘耐唔叫去做野都无咩希望，点知仲有个尾班车 个日有差唔多成百人集结系儿童公园对面噶新中国服装商城，我地就林住好似平时甘搞开场白啦（摆阵式，走来走去），点知距话要上脖采青，我同BT都系成百五百六噶重量级人马，点上啊，米林住系旁边等咯，点知最后都系要上，BT就格硬谷我上去，距又辛苦，我又为左罗平衡差D搞到抽筋，真系怕怕 之后扫场就好玩咯，个度一层差唔多有100间铺，我地逐间去采青厄利是，本来除左好多靓女店主都无咩好讲，点知有个唔系自己友（第个狮会）噶阿伯过来同我地争利是，见我地罗D慢D就过来话＂我帮你啦＂跟手就锯走封利是（竟然有刀仔，旁门左道！），整整下我地嬲嬲地唔比D利是距，见距埋来就用脚踩距，用狮头撞距，用PETPET顶距，抢左D利是比翻D菜距，仲有……总之就好玩啦
　　今日同BT帮件废柴整机，免提！寻日同前日都去左太平洋，帮许靖同孔霈霖装机，个度就无咩好讲噶，系间店D人见我连续两日帮衬距，客气左好多，之前仲敢收我五十蚊整机费！寻晚成班人去六谷，包括龟夫人 我地个个都话觉得距睇落几贤惠，点知玩起游戏上来讲野好大声好搞笑，哈哈 不过讲真，寻晚真系玩得好开心咯，极喜，大概就系系呢个假期里面好多时都可以同D F一齐玩一齐做野，个种比人当兄弟当好朋友当一份子噶感觉，真系好好
　　讣告：
　　二零零七年二月二十四日上午八时，梁晓东祖父梁国华因肺炎及急性肾衰竭于广钢医院病逝，享年七十四岁
　　默哀
　　……之前一直有去睇爷爷，除左因为气管炎讲悟到野之外都无咩野，脚亦都好得七七八八，就连D亲戚系初五见距都觉得距好精神，眼碌碌甘，无林到第日就甘就过左身……初七到初九，我都系度帮手办爷爷D身后事…不过其实都无帮过D咩，多数系老豆同埋叔姑姐距地搞掂，我就系度折元宝，陪嫲嫲，煮饭……其中，喊过几次，虽然明白上左年纪呢D野始终会来，但系真系好唔舍得爷爷咯。爷爷系个几幽默噶人，每逢林翻爷爷噶笑容，以前同距一齐住噶时候噶趣事，都会忍唔住心酸……唔记得有无系日记里面提过，我以前曾经梦见过地球唔知点解唔可以再住落去，大家都坐火箭离开，因为火箭唔够位，爷爷自己留低左系地球……唔好笑，我真系发过甘样一个梦噶，个时一梦醒就即刻喊左出来……
　　爷爷，衣家你去左另一个地方，希望你系个度可以过得舒服，可以感受到东东对你噶挂念，仲有…东东大个仔咖啦，唔使担心东东噶，放心啦！
　　世上只有
　　歌手：容祖儿 专辑：nin9 2 5ive
　　作曲:陈光荣
　　填词:黄伟文
　　编曲:陈光荣
　　监制:陈光荣
　　望着你讲也许更易
　　浓于水的三个字
　　从我降世一开始
　　到永远不休止
　　你亦是我支柱
　　动力和意义
　　you make me cry, make me smile,
　　make me feel the love is true
　　谢谢你的关顾与及无偿的爱护
　　年月漫漫多艰苦
　　你也永远优先担心我喜恶
　　唯恐我并未得到最贴身保护
　　oh i love you!
　　但是我知你都有梦
　　仍将一生给我用
　　全个世界几多种
　　爱与爱在互动
　　也未及这种爱
　　能完全献奉
　　yes i do,
　　i always do
　　you make me cry, make me smile,
　　make me feel the love is true
　　谢谢你的看顾与历年来的爱护
　　年月漫漫多艰苦
　　我再重也不肯抛低我不顾
　　从不会立下私心怕会给辜负
　　oh i love you!
　　yes i love you,
　　i always do