希望与失落

　　哈哈，好耐无写日志啦 各位亲爱的，系米好挂住我呢 而家就同大家汇报下近排嘅状况啦 （好耐无写思想汇报了，呵呵）虽然而家都好少留言啦，但每次我见到一发布新日志，空间访问量就好多，日志阅读数都好多，我真系好感动，就算有D系平时5多联系嘅朋友都好，我都见到区地对我关怀嘅身影。相对之下，我自己真系好惭愧。真系好多谢你地，我嘅朋友！
　　事业先，上年12月尾我就去左佛山奥园集团（奥园房产，今年年中上市）实习啦 本来系去佛山水泵厂嘅（以前系国企，而家系中外合资公司），待遇几好，最紧要系7月先上班，有充足时间做我想做嘅野，就是名字不太好 所以当时贪慕虚荣就去左奥园了。我政府事业单位嘅实践就好丰富，但讲到企业就真系好少了，所以去到公司做野嘅时候先发觉自己有好多野需要学习适应。刚开始嘅时候，我真系对公司有好多不满，林住做到过年就5做，认真复习迎接省考。但当我参加了公司嘅年终晚会之后，我开始对公司有归属感了。我系果晚好投入角色，跟住经理去同主席啊，董事啊敬酒；参加晚会表演仲得左一等奖，有2800（7个人分）；当时第个部门嘅经理仲同我讲左好多野，区系公司6年啦，第四年就升了做经理，而家29就事业、家庭都比较成功，好幸福！受区启发，我忽然有一个心，沉着在公司做几年，4年内一定要做上经理。确实架，我而家太轻浮啦，可能系因为之前投了5份简历5份简历都有OFFER卦，入左奥园后又想去南海义工、又想去佛山志愿者、又想去公务员、又想去市纪委、前几日仲去恒大招聘添，得一想二，到而家仲未确定落来，但其实自己能力并5系话十分突出咯。忽然林起啊芳（一个同我有D似，但我地彼此走嘅路好5一样），记得区入党未成嘅其中一个原因系区咩都想学想考想得到，结果就咩都得5到。其实我地部门经理真系好器重我，想我定落来，我要好好珍惜先系。所以......纪委那边和公务员无消息我基本上就确定留落来了
　　学业啦，今个学期绩点好似系3.8几，保持得几好 不过因为大一大二嘅时候做太多学生工作和活动啦，得3.1、3.2甘，搞到最后四年来平均绩点并5系好高。而且我真系觉得大一大二好仲要咯 如果时间可以重来，我一定5会只系将D时间放系学生工作和拍拖上。再次强调，英语真系好重要 就算系考过了四六级的都5可以放松，要真系用得上先得。英语系我嘅一条刺
　　感情啦，ER....比较郁闷和失败。系度奉劝下正在稳男朋友嘅女仔，尽量5好稳同年咯 问题真系好多。女仔嘅心智比男嘅早成熟，到了闯事业的时候，你在忙，但对方可能未开始准备 到你事业开始稳定的时候想结婚，但对方依然未有准备，未想结婚 到了结婚生子后，你容颜开始衰老，但对方依然容光焕发。哩D度系大方向嘅问题，相处中仲有好多小问题会发生。其实我一直都觉得自己系5错嘅女仔架 但而家，我真系对自己无信心啦。我身边有好多朋友已经结婚过着幸福嘅生活，但依然稳5到一个好想保护我，好想同我一起生活嘅男仔（我用嘅系＂想＂，5系＂要＂），就系想嘅程度都无，更何况系要 系我5够坚强，定5够柔情，定系我5够体贴，大方，定系我5够魅力？睇来我真系要好好改善下自己了。有时想稳个人依赖下，照顾下，陪下都5系容易架 我对自己嘅感情真系无信心。
　　生活啦，上星期龙龙从学校特意过来盐步探我，区19号去深圳康佳工作啦，以后都5知几耐先有得见了 龙龙系我大学里面嘅知己，我地关系好好架 不过因为彼此都比较忙，好长一段时间无联系了，死仔系哩段期间发生过两段感情我都5知添。所以果日区话临走前想见下我，我都好感动架！！当然仲有猪仔啦 一个下午搭我翻学校两次拿行李（第一次因为无带钥匙，晕低啊真系），平时都会好关心我嘅。好男人来架，边位美女需要稳稳重型嘅男人的话，区系5错嘅选择喔！！爸爸系广州果边嘅工龄可以转翻佛山，爸爸办到退休啦 虽然花了3万几，但而家总算安落晒 哥哥呢，而家都比较孝顺，每星期都打两次电话翻来问候下屋企人（区去了深圳做野），当然，如果可以同啊芬大团圆结局就好了 至于我自己身体，比较差，两个月病了两次了（宿舍D人传染的啦 我已经系最后一个先沦陷的，好郁闷哦）咳左两个星期了 痛苦啊
　　总嘅来讲，哩段时间好多也比左我希望，也有好多野令我好失望 或者哩D就叫现实啦，社会就系甘。但往往好多野希望和失望都系自己一念之差，真系要好好端正自己态度，时刻调整好自己心态咯
　　甘多位朋友仔，一起加油啊！！