视帝斗戏!欧阳震华玩爆肚马德钟忍笑接招过足瘾
视帝斗戏!欧阳震华玩爆肚 马德钟忍笑接招过足瘾
视帝马德钟伙拍另一视帝欧阳震华(Bobby)演出热播剧《伙记办大事》,饰演律师戴政君的马德钟坦言角色有很多内心挣扎位:"角色其实都几脆弱,只系夹硬装到好强势保护自己同家人,后尾为爱嘅人做咗好多嘢。"他大赞这种深藏不露的角色很好玩:"好耐冇演过类似咁嘅角色,发挥上几过瘾。"他又难忘一镜到底拍长10分钟的法庭戏:"同赖慰玲拍,我要求大家情绪好啲,不如双机一齐拍,好过瘾、好享受,过程真系好似打紧场官司。"
他又透露与Bobby两雄相遇有很多斗智斗力的火花:"同Bobby有几多正面交锋嘅戏,佢系警察,而我就系熟悉法律嘅人,大家点样喺灰色地带游走对付对方。"对于相隔逾20年再与Bobby合作,他大感开心:"好亲切,之前大家碰面都会食饭。同埋有咁开心嘅对手,现场为大家带嚟好多欢乐,但我嘅角色唔可以咁欢乐,所以系个矛盾位。(埋位前尽量唔讲笑?)佢有时拍都会爆肚,我要接佢爆肚嘢,又要配合角色,用个好正经嘅手法。(忍笑好难?)有啲难,但几好玩,成套剧拍得好开心。"
有帮儿子排戏
至于讲到与现年22岁的儿子马在骧曾父子档拍广告,儿子又有客串拍剧,问到可期待同场对戏?马德钟说:"冇刻意谂,我哋有一齐拍广告,佢拍剧,我都有帮佢排戏,叫做暗地里有对手戏。"儿子现仍在澳洲读机械工程,问到毕业后可会让他入行?他说:"畀佢自己选择,佢依家享受读书过程。(如果佢入行会支持?)系,值得试。(担心佢做星二代大压力?)如果好介意人哋讲你,你会好辛苦,但佢个人本质几放得开,所以OK。"他又赞囝囝面对镜头自然:"比我初入行好。(遗传咗你嘅演艺天分?)都有啲。"
转自看港剧