岑杏贤宣布怀孕5个月！汤洛雯催朱千雪早点生

　　岑杏贤宣布怀孕5个月！汤洛雯催朱千雪早点生
　　岑杏贤去年成为人妻，早前消失于TVB处境剧《爱．回家之开心速递》演出，即时被传怀孕，但她一直没有正面回应传闻。
　　昨日（9日）趁着母亲节，她终于在社交网报喜宣布怀孕，她留言：＂对的！今日主角系我...肚（里）面五个月的BB，我同老公等待做好BB详细检查，知道各方面一切正常，先分享呢一份喜悦！一日未真正当妈妈，都未能够体会到由怀孕开始，心态上、身体上带来的各种变化！呢一份奇妙旅程，好多谢我妈妈，妳（你）绝对是我最大的榜样，最大的骄傲！未来日子，还有有很多东西向妳（你）学习，向吾（唔）同妈妈学习！YES！I am ready，We are ready！＂她晒出与老公的合照，见怀孕五个月的她明显凸肚，更获老公锡锡额头，十分温馨！网友们纷纷留言送上祝福。
　　＂2LINE党＂好姊妹蒋家旻受访时表示：＂好替佢开心呀！原来佢今日宣布，今朝好早开工，我一早祝佢母亲节快乐，系佢做妈妈嘅第一个母亲节。佢之前有同我分享照超声波睇BB嘅事，Send相畀我睇，令我觉得BB生命好奇妙，我收到消息时系非常替佢高兴兼感动！我知佢口味变，想食浓味嘢同甜嘢，前排都有见过佢，但呢排我忙拍剧，自己连母亲节餐饭都未请妈咪食，所以等我有时间我会买甜嘢请佢食。＂问到会否做契妈，她笑言：＂我唔识照顾BB，所以唔做契妈喇，做佢好朋友比较好啲，做契妈有半个妈妈嘅责任，我真系未Ready做妈妈，同BB玩吓就算喇！＂
　　而朱千雪表示：＂戥佢好开心呀！知道佢好锺意小朋友，知道佢一定会系一个非常之好嘅妈妈！＂汤洛雯透露早就知道岑杏贤怀孕，她说：＂希望BB快高长大，我都未知BB系男定女，最紧要健健康康，开开心心。＂又向朱千雪催生B！
　　而岑杏贤接受访问时表示：＂依家佗住BB心情系好开心，日日摸住个肚一日比一日大，呢几日特别感觉到佢郁郁吓，感觉好特别！最初怀孕有口淡淡有呕有晕，特别锺意食糖，但要尽量忍口！最特别系我唔食得辣，但头3个月有试过煮辣面食，经历头3个月之后依家就舒服，时时坐唔定要老公带我周围去，性别我同老公都知道，不过未同姊妹透露，可能下次见面话畀佢哋听！
　　而她接受无綫娱乐新闻台访问时，表示BB是母亲节礼物，非常有意义，讲到为何选择在母亲节宣布喜讯，她解释说：＂因为啱啱先照晒详细结构，BB一切正常，所以先公开。＂又指今胎是计划之内，非常感恩，很期待B出世一刻。
　　转自看港剧