男友观战赞精彩!黄智雯咀仔过百次嗌未够喉
男友观战赞精彩!黄智雯咀仔过百次嗌未够喉
黄智雯与王耀祖(左)及叶荣煌一同演出舞台剧!
黄智雯与王耀祖及叶荣煌演出的一连四场舞台剧《超自然之恋》完满结束,连日来获不少好友撑场的智雯,场地外亦摆满圈中人送来的花篮。首度演机械人的她除了挑战剑击及跳西班牙舞,更与2位男演员上演情欲戏及激咀过百次!
为了今次演出,智雯花了几个月准备,如今终于完美落幕,心情既开心又不舍,她受访时表示:"真系放咗好多心机,未试过准备工夫做咁耐,开骚前3星期彩排得好密,每日都遇到挫折,虽然只系2小时演出,但学到好多嘢。个骚反应又几好,我未够喉,希望可以开Part 2啦!"
谈到与2男激咀连场,智雯笑言最少咀过百次,并自爆男友畀面撑场,大赞她演得出色:"佢好锺意套剧,事前我冇预告我会点做,但佢睇完都冇提,仲好投入赞个结局添。"又称休息约1星期便回归拍剧,届时与好姊妹胡定欣合作:"同定欣10年冇一齐拍剧,今次我哋演好朋友,会有好多对手戏,好期待。"
王耀祖赞智雯勤力又上心,彩排初期已将剧本背得滚瓜烂熟,即使演出约1分钟的西班牙舞,她亦甘愿于仅馀的一日假期,花6小时练习:"佢真系跳到好疯狂,所以好想再合作。"至于与智雯激咀连场的叶荣煌,被问可有咀到麻木?他笑言:"唔会,剧本带动到角色,所以过百次同过千次都系咁做。(拍情欲戏事前有冇沟通?)冇专登讲,但大家有默契又OK喎!"
转自看港剧