陈展鹏爆逆天奇案开续集！自荐做编剧搞大冯盈盈个肚

　　陈展鹏爆《逆天奇案》开续集！自荐做编剧搞大冯盈盈个肚
　　陈展鹏及林夏薇（薇薇）等《逆天奇案》的演员昨晚（11号）齐齐在电视城睇剧集大结局，两人表示大感不舍，薇薇因剧集带挈而人气急升，被封＂国民女友＂，其社交平台粉丝急增100万兼获金V认证，她坦言这套剧令她收获甚丰，非常难得，感谢观众支持：＂知道观众见到我喊跟住我一齐喊，好感恩，我拍嗰场戏时好深刻，停咗机之后我都抽离唔到，喊咗好耐。我好明白个感受，现实中你有几坚强，但父母系最后防线。（你现实中有冇试过被伴侣背叛？）冇，如果系我打死佢。＂
　　至于在剧中背着女友薇薇，跟冯盈盈发生肉体关系的陈展鹏就开玩笑说：＂唔怪之得我少咗粉丝，哈哈！＂他指作为演员开心有观众认同，大家同喜同悲，笑言见到网民的评论与分析，比演员本身还细致，很多网民甚至舍不得剧中的反派死。问到是否会开拍续集，他透露曾志伟向监制刘家豪提出开续集，展鹏自荐可以帮手编剧：＂可以话盈盈有咗我个小朋友，但冇同我讲，几年后返嚟，张頴康就搵我报仇。＂薇薇就想在续集一尝演反派滋味。
　　另外，提到港姐面试有混血儿佳丽Jasmin被网民指与展鹏撞样，展鹏好奇地反问：＂咁系O唔OK？如果我系女人，应该唔错，希望佢攞冠军。（你可唔可以反串演出？）我得，续集可以讲我反串乔装女人去查案。＂
　　冯盈盈昨晚现身《逆天奇案》结局齐齐睇，她在剧中介入展鹏与林夏薇的恋情，被网民封为＂国民妖精＂及指想踢她落海，她说：＂我都有同感，我都睇到咬牙切齿。如果观众冇反应，咁我就好失败，见到有好多回响，有人私讯我，话好憎我个角色。＂她指刚得悉有机会开续集，她希望有机会参与，并扭转＂国民妖精＂的形象：＂我想续集变为国民仙女，冇杀伤力同畀人感觉亲切，我会朝呢个方向进发。＂
　　10号是她的27岁生日，她表示与家人食饭庆祝，问她有没有人邀约时？她说：＂有人约，不过唔系寻日，我工作好忙，而且我依家食素选择唔多，我都唔想经常出街，想专心做自己嘢。＂讲到绯闻男友郑衍峰，在社交网对她生日没有任何表示，问到对方私下可有表示？她未有正面回答：＂我收到好多朋友留言同祝福，我11号都系农历生日，私下收到过百个短讯，都未睇晒。（佢系咪已降呢？）我同佢都系朋友关系。＂
　　提到港姐首轮面试，有参选者Trixie跟她撞样，她说：＂当然有留意有个翻版冯盈盈，我觉得佢都好靓，每个人有自己嘅特质，唔需要话似边个。（你觉得佢似唔似你？）我冇特别去比较。（似你有着数？）佢保持自己独立特性就可以，每个人都有自己嘅风格。（其中有个混血儿佳丽Jasmin畀网友话似陈展鹏？）可能因为陈展鹏个轮廓好深，系展鹏似混血儿。＂
　　转自看港剧，侵删。