翠如祝福文被批太矫情！萧正楠佢当洪永城系细佬

　　翠如祝福文被批太矫情！萧正楠：佢当洪永城系细佬
　　萧正楠、汤洛雯、简淑儿（Jessica）等昨日到将军澳电视城出席《一笑渡凡间》宣传活动，众人在台上大玩游戏，期间他与汤洛雯及简淑儿玩夹波波游戏，阮儿又施展一字马。讲到今个星期就大结局，他开心大家喜欢，其中小朋友又爱看，可以让他们认识济公，很有教育意义。他又笑言希望开拍续集：初初以为成日会着济公嗰套衫，点知拍到第19集都未换衫，去到最尾一集先变身，所以希望有续集啦，原班阵容，因为夹得好开心。
　　讲到翠如祝福好友洪永城（Tony）结婚一文被批太矫情，似写给前度，他说：Tony真系好克佢，佢哋喺埋一齐都冇好事发生。他表示大家睇完篇文章都应该会明白翠如意思：唔系踩Tony又唔系宣泄啲乜，只系当佢好似细佬咁，见佢依家有个咁好嘅太太有啲感触，总之我哋4个人知道系冇任何意思，而翠如亦都觉得Tony大个仔，叫佢唔好辜负身边呢一个。问到之后可会叫翠如发文小心点，因常常被人曲解？他说：有心人去谂另一个意思，甚至误解都冇办法，但唔可以因此而唔Post，唔可以因为咁而放弃自己嘅人生，应该继续做。
　　问到最后谁情归萧正楠？靓汤笑言不想剧透，但作为大婆都心痛Jessica。对于阿萧想原班阵容开拍续集，2女大表赞成：可以拍时装版，讲济公穿越现代。而讲到新一届港姐开锣，她们身为师姐兼属同届港姐，靓汤就谓没有留意，但知道关礼杰大女关枫馨有参选，她说：我唔识佢，但我识关礼杰，因为有合作过。（你哋都系星二代，会唔会有咩寄语佢？）要放松心情，我当年就系因为‘星二代’呢个称号，所以好大压力，搞到冇自信。
　　她又笑言：好多人话我哋有后台，其实系冇，我就系人办，做咗9年先有机会做女一，我觉得佢可能系唔想大家觉得佢靠屋企，想靠自己努力，所以先嚟参选，所以会支持她。而Jessica就谓有留意新一届港姐，笑言对似足佛祖的霍韵璇最深印象，赞对方样子慈祥。
　　另外，讲到靓汤男友马国明新剧《宝宝大过天》刚开播，她坦言未有时间看，问到岂不是见不到男友凑BB的样子？她笑言：嗰时我哋同一时间开剧，我有时都会去探班，都会见到香香（岑丽香）同马明凑BB乸手唔成势嘅样，但香香好啲。（睇到之后有冇刺激到你？）有呀，刺激到我唔想生，哈哈。她又谓男友都想睇《一》，呼吁大家现时可以睇晒2套剧！
　　转自看港剧，侵删。