乐快讯郑欣宜升呢做姐姐。袁咏仪陪张智霖做空中飞人

　　再唧唔出巨乳！迪丽热巴变iPad胸　扁过木板
　　内地当红花旦迪丽热巴同男神杨洋主演嘅新剧《你是我的荣耀》成大热，二人被网友推举为＂荣耀夫妻＂，当中迪丽热巴真系猪笼入水，接住即刻开新剧《安乐传》，孖上位小鲜肉龚俊、刘宇宁等主演，粉丝已经急不及待等睇，仲有网友公开拍摄情况。迪丽热巴喺多张网友偷拍相中，见佢愈嚟愈瘦，虽然靓样Keep到，不过佢出名S形身材就保唔住，大咪咪消失得无影无踪…
　　相中见佢无论正面定侧身都见唔到佢条招牌事业线，未知系咪古装造型问题，今次巨乳唔见咗，反而变iPad胸又扁又平，睇到宅男喊三声。虽然女神索爆靓样仲喺度，仲玩晒嘟嘴扮Cute，但都系掩盖唔到身材走样嘅事实，令粉丝心痛佢过瘦。
　　陪张智霖做空中飞人！袁咏仪晒45万包包一落机即去买手袋
　　女星袁咏仪（靓靓）出名系＂名牌手袋＂收割机，曾被爆扫百万＂包包＂，最近佢就被目击同老公张智霖（Chilam）黑白配情侣装现身北京机场，当时靓靓拎住个价值原价18万、如今炒到45万嘅手袋！而早前靓靓几次都系拎住呢款手袋出巡，睇嚟系佢近期宠爱！
　　而佢哋此行系飞去成都，不过落机后佢哋冇留喺酒店休息，晚上被网民发现喺成都太古里名店买包包，有人喺社交网上载合照，大赞：＂袁咏仪性格真的超nice，张智霖也真的很帅。＂而网民就留言：＂真的很宠妻！＂、＂靓靓真是爱shopping啊。＂、＂一下飞机就去买包包！＂、＂Chilam生日要买包送老婆？＂
　　郑欣宜升呢做姐姐　唔想同新细代脱节
　　歌手郑欣宜与乐队The Hertz成员Him Hui到黄埔接受电台访问。欣宜希望继歌曲《先哭为敬》后再与Him Hui合作，Him Hui觉得日本Band sound风格会适合她，欣宜笑说：＂咁得意，我锺意，我都想试吓呢类型嘅歌，自己最锺意同年轻人合作，因为自己已经姐姐了，唔想脱节要做潮流歌手就要同年轻人多沟通，我同佢哋都冇代沟嘅，仲沟得好好添。＂
　　欣宜近期宣传新歌《罚你》，歌曲带点玩味、调皮，自己亦少唱这类型的歌，MV中被扮演训导主任的梁祖尧狂闹，问到人生是否缺少这类人生导师？她笑说：＂唔系，我都成日畀人闹，自己细个系比较任性，明明行呢条路系最直接，但系自己偏偏要去兜圈，自己惊睇少咗沿途嘅风景，虽然行咗冤枉路，可能行慢咗，但系因为咁先有依家嘅欣宜。＂
　　被爆暗挞李敏镐　妍雨相隔一日否认恋情
　　韩国34岁＂长腿Oppa＂李敏镐曾认恋女星朴敏英及＂国民初恋＂秀智，已与秀智分手4年的他昨日被爆暗挞女团MOMOLAND的25岁前成员妍雨，韩媒公开李敏镐上月接载妍雨到他的家，当晚凌晨再驾车接载女方到戏院睇午夜场的照片，但李敏镐的事务所昨日极速否认恋情，指当晚还有另外2名好友同行，并非单独约会，指双方只是认识的关系。
　　而女方所属的MLD事务所昨日表示正在向本人确认，至今日才向韩媒表示：＂妍雨和李敏镐只是好前、后辈关系。＂对于相隔1日才回应绯闻，事务所解释因为妍雨正忙于拍剧，所以未能及时回应。
　　又关周杰伦事？林俊杰疑留言寸吴亦凡：忍一下！
　　内地星男吴亦凡今个月因涉强J案被警方正式拘捕，当时有传金曲歌王林俊杰亦牵涉在内，不过林俊杰已极速发律师信澄清，仲保得住个名声。唔知系咪畀啲传言激亲，近日佢就被网友发现疑似留言寸＂曾经好友＂吴亦凡嘅牀上金句！
　　吴亦凡被网红都美竹爆床上金句：＂我的很大，你忍一下！＂成为一事＂佳话＂，估唔到连台湾天王周杰伦只古董杯都关事，话说周杰伦自爆被新买嘅咖啡杯烫伤手，个个争住安慰天王时，林俊杰忽然留言：＂为了漂亮，忍一下！＂即引发网友联想，唔少网民都觉得佢疑似暗寸吴亦凡金句，而周董亦回覆：＂哈哈！可以！＂