粤语广播剧，手动翻译的文本，学粤语的来

　　如题，文本中嘅文字并非完全正确，特别系一啲语气词、拟声词同一啲听得唔咪好清楚嘅字词都可能有错误，请大家谅解同埋指正，多谢！
　　第一部剧：摘录荔枝FM28721电台嘅《从头说爱》，该剧系讲一位女发型师YoYo同一位客人阿泓喺理发店倾发生自己身上嘅故事。
　　（1）关门后来的客人
　　（今物临收工嘅时候识咗个新客，佢几得意咖，人哋话明收工喇，佢仲唔肯走，我谂除咗一啲去饮嘅阿太，佢都算姿整嘅喇。佢原先净系话洗头啦，之后又话要洗剪修，坐多两坐，倾多两句偈，哇，又话要电发，结果搞到三更半夜，唔知如果我啲客睇住呢个blog，佢哋仲会唔会揾我剪头发呢？）
　　哎，唔好意思，我哋已经收工喇喎！
　　我屋企冇水，我想洗头咋。
　　啊！但系我哋拾晒嘢准备收工嘅喇。
　　准备啫，你未收工嘛。
　　啊
　　你系咪发型师走咗，你揸唔到主意啊？
　　啊，Sorry啊，我系发型师。
　　你系发型师？噉梗系洗头嗰个走咗，所以你唔肯帮我洗，系咪？
　　噉嘛唔系，但系，只不过真系要收工喇，不如我而家帮你Make个Appointment，等你可以听朝嚟，噉嘛我再帮你整，好唔好？
　　可能唔咪个个都有听朝嘅喎。
　　噉，OK，好啊，噉我做埋你先走啰！
　　唔该！
　　（我唔知佢个头系有嘢咬啊，定系真系好多日冇洗头啰，抑或学佢讲屋企真系冇水啰，我唔明白点解佢一定要今晚洗头，不过，我最后都帮埋呢个男仔洗咗头先走。）
　　啊，你见边度痕啊？
　　OK嘅喇！
　　啊，你见边度痕啊？
　　OK嘅喇！
　　啊！我真系净系帮你洗湿咗个头啫喎，咁快OK？即虽然我系发型师，但系我都识帮人洗头嘅，你边度痕，你可以开声嘅。
　　其实我只不过想揾个人陪下我咋，啊，小姐，你嘅洗头水dai好未啊。
　　（我真系好想同佢讲，其实我系专登嘅，哎，乜想揾个人陪下我啫，我真系想问你当我系乜而家，我呢间系一人理发店，唔咪色情发廊啊！）你想点吹啊？使唔使同你落返啲泥啫啫佢啊！
　　你介唔介意帮我剪埋头发。
　　啊，我唔介意嘅，我都系打开门做生意，不过
　　不过因为时间关系，你要收工喇，系咪？
　　唔咪，但系，因为其实呢度过咗十二点半冇冷气嘅。
　　我唔介意嘅。
　　啊？但系好焗嘅喎。
　　我真系唔介意嘅，你帮我剪啊。
　　噉嘛想点剪啊？
　　你话啦，修修佢得嘅喇。（由细到大我好钟意剪头发，我唔单止钟意剪头发，仲钟意剪人哋嘅头发。我记得中三嗰年，前面嗰女同学嘅头发又长又开叉，我忍唔住攞一把美容铰剪，然后一剪，剪咗佢一扎头发，结果嗰次我要见家长，不过之后我居然同呢女同学friend咗，亦都因为佢嘅鼓励，我先有勇气去学剪头发。）
　　嗯，剪完喇，嗱，我攞块镜畀你睇下先，嗱，两边哩即同你剪返齐啲啦，噉前面我就帮你剪碎咗，O唔OK？
　　嗯，你话而家呢个长度哩，仲可以有啲乜变化哩？
　　其实你噉样仲可以有好多变化嘅喎。
　　有冇计啊？
　　嗯，噉你想点变先，因为你面型哩即系有好多剪法都得，但系即系要睇下你要点剪啰。
　　噉，变化系咪好需要勇气嘅咩？
　　（哇，我真系好想叫佢唔好玩啦，佢根本就系无无聊聊噉样荡咗入嚟，一阵又话洗头，一阵又话修修啲发脚，一阵哩又要话乜变化，然后仲问我喎，变化系咪需要乜勇气嘅啫。）
　　哎，其实系嘅，先生，变化哩即系的确需要好大嘅勇气嘅，噉，如果你今晚啲勇气未嚟嘅话哩，噉你不如下次先啦，好唔好？下次你嚟，我再帮你嚟个大变身啦。
　　而家几点啊？
　　就嚟十二点喇，冇冷气嘅喇。
　　你今晚可唔可以帮我嚟一个大变身啊？
　　先生，请问你贵姓啊？
　　你叫我阿泓得嘅喇。
　　噉嘛，阿泓啊，同你讲吖，其实我真系想问下你，你系咪玩嘢先而家。
　　你以为我玩嘢啊，我有钱嘅，我唔碌咭啦，我有cash嘅，你睇下
　　我冇怀疑过你够胆唔畀钱，我有成套铰剪喺手，你出得到呢间铺头，出唔到商场，出得呢个商场，都出唔到商场门口嗰条街啰。
　　我真系唔咪玩嘢嘅，其实我想电发。
　　吓，电发？（第一期完）