继续前进！A组我们5个同步！！！！

　　啱啱打完ZAM...成身汗~~唸住去淋下个身就算数~~点知好顺手咁洗湿咗个头...真系洗湿个头咯~~无得瞓住...天啊~~~我已经顶唔顺啦~~~好眼瞓啊~~~~
　　呢两日发生咗一件令我好开心而又开心唔起嚟嘅事(- -b点解打完呢句会成块面同埋耳仔红晒?!)有几开心?可以绝对开心过升职业加薪~如果扭埋右脚..拉伤埋右手韧带我都可以无视一样咁开心嘅事~~但偏偏就系为咗呢件事而开心唔起嚟...讲真真系好想请你地去大刷一餐,but....今日荷包已经干溏~~早知唔同你抢埋单~~唔得!!下次一定刷你刷个够本..啊哈哈...
　　哎呀!讲讲下拉远咗添...话时话啊~~我觉得你已经系总工入面已经系内定噶名单...而我同.....(弊!讲漏口添~~算~~反正公司无第二个有我个Q)....只系响呢40+个实习生入面挑选嘅姐...嗯,我坚信你地三个都绝对会入到~~~你响入面都已经做咗咁耐,办公室有边个唔知你做得野姐..而钟常同埋阿杰呢次培训又咁突出..YEAH...A组必胜!!!
　　其实今日条PK仲同我讲咗其它野,不过我惊你唔开心~所以无原原本本咁话晒过你知..条PK本嚟响总工间房度唔知倾D乜.倾咗10几20分钟左右啦..然后一出嚟就拉我出阳台,讲:＂阿健啊....＂都系算..等你自己亲口问我好过....
　　今日我地班淘汰咗一个,虽然我都非常同意佢表现的确唔好..甚至觉得佢影响晒我地成个班...不过自己送佢出去搭车个阵,睇住佢上车.仲同我讲一声拜拜...个一刻个鼻真系几酸...相处咗3 4日,讲野夹埋都唔够10句..点解会有D咁嘅感觉?唔通人真系会变?变得热血咗?但点解我觉得我自己变得冷血咗?例如依次四川捐款...出咗800蚊粮..我真系好想全部一次过好型仔咁成大叠(8张100蚊有几大叠吖~~)放晒入捐款箱~~~但最后都无做到...至于捐咗几多..唉..唔好提不过都占咗我当时身家噶40%有多...以前细个~~拧住个1蚊鸡放学唸住开开心心咁去买条雪条一路行一路食,但见到路边有个乞伊...我都会成张1蚊鸡放入佢只兜度....然后佢会微笑向我点头讲声多谢..我觉得好自豪..可以帮到自己可以帮噶人的确好自豪....依家自己已经开始稳到钱..荷包都唔似以前咁拮据...但系点解依家路过见到D乞伊连眼尾都唔望下人地呢?更唔好讲话放低张1蚊落佢个兜度添啦..冷血啊~~越唸自己越冷血...唉~~~
　　今日操练个阵时只手又开始嚟嘢!痛到我飙眼水...好在好快无事,继续操练,不过依家仲系隐隐作痛...嗯..顶埋星期1个场比赛咁就解决啦~~~依家积5分..都唔知排到第几名咯..最后一场赢埋都系得个8分..而且对住1班...有可能赢咩~~算啦~~我都尽咗力咯..但求无悔于心~~其实手唔痛脚无事噶话可以打得更好
　　仲有3日...坚持埋呢3日!!!我右手手臂已经开始甩皮咯...好在听你话整咗只青瓜卒咗晚...唔系估计依家仲好似俾火烧咁...
　　仲有吖~~~响我白翻之前,无再去食饭吖..宵夜吖之类添啊~~~555555555..实在黑到我连自己都唔敢照镜啦~~~~~(又令我唸起姚灿杰块面同排牙嘅鲜明对比..哈哈..笑喷啦~~)
　　YES!头干咯...听日又会系一个大晴天!!!!