Kentucky

　　18号朝早,友谊商业大厦12楼,再一次嚟呢度...
　　上嚟面试嘅,络绎不绝,一个钟头过百就不在话下!
　　part 1:竟然,撞见面试官又系上次6月嗰个,佢话:我认得你,你揾第个面试啦! =.=＂
　　好彩唔系上次嗰位,唔系可能又俾人KO!
　　part 2:一位姓梁嘅男人面试我,几易沟通!
　　佢问:你学完嘢就想走啦?咁你想喺度做几耐?
　　我不假思索就话:2年!
　　之后我印象俾佢几ok,叫我上13楼再面试...
　　—— 心谂,呢次有机啦!
　　part 3:到咗13楼,要填份公司简历...
　　同前一个一样,都系讲普通话,DM(区经理)...
　　一开头几句,就知呢几个面试官唔简单,问题都好刁钻...
　　＂我干嘛要请你?＂ ＂你觉得我们公司好吗?＂ 多数系反问形式......
　　讲真,好多问题,就算面试过咁多次,其实都系一啲常见问题...
　　不过对住呢位面试官,如果无之前喺安踏练过啲销售口才,估计...我又做＂炮灰＂!
　　倾咗大约10-15分钟,以面试人数嚟计,呢个时间算长啦!
　　见佢喺＂优点＂一栏系咁写,我谂,呢次真系有机啦啩?!
　　part 4:开头我都以为系咁走人等通知,点知,一落lift谂去7仔买嘢,有电话叫我翻上去...
　　有后续嘢未搞掂...见到一个接待嘅姐姐,俾全广东省嘅店铺我拣,试工......
　　哇噻,得咗啦,过咗初试!!
　　3页A4纸嘅店铺清单,仲见到沙坪间...真系好想＂报仇＂,铲咗姓张嗰个经理!
　　拣好,走人......
　　插曲,不得不提!
　　就18号,中午时分,我同YY买好嘢,谂住翻嚟煮饭...已经12点几...
　　我开门啦,点知条十字锁匙居然俾我整断咗,仲要断咗一半系把锁入边,oh my god,what the hell...
　　头脑瞬间空白咗阵,咁多个仔未试过开门断锁匙咖...
　　唯有出街睇下有无开锁佬啦,问咗啲人,有间捞佬五金铺,开口就话全套包换锁,100蚊,我晕!
　　再问一间,开锁工钱都50蚊,锁就28...
　　唉...死条心破财啦!
　　点知就系呢个moment,电话嚟,断匙已经俾隔离屋个男仔用钳掹咗出嚟,哇...大贵人啊!
　　之后情节可以忽略,等房东开门,我去配新锁匙......
　　无啦啦搞咗成个钟,饿死啦,未食中午饭咖.....
　　万幸系,最紧要,好明显,时间浪费咗,好在无伤财!
　　话咗朱古力对我无好嘢!!
　　22号,上班7:30a.m.-4:30p.m.
　　pho@晨早7点22分...安踏嗰阵,最早8点起身...
　　好鬼耐无试过咁早起身啦,以后可能仲早!
　　对比之前喺安踏做过,今日嘅工作量对我简直...比较少!!
　　学识点炸嘢,知道一个汉堡包点整...
　　冻库好冻,厨房好热...闻咗一日油锅就喉咙痛>_<
　　23号,上班5:00p.m.-2:00a.m.
　　广州大道北,乐购圣地店,可以直接行路就去上班!!
　　之前话上夜班,学打烊收铺...
　　其实不然,成晚做咗服务员,我唔想喺厨房对住油锅,劲热气...
　　今晚要搬货,睇见啲包装,我愣咗下...
　　几箱写住＂鹤山＂,wow~~
　　蛋挞皮喺口岸亚太食品城(龙堡食品)整嘅...
　　有啲一次性纸杯之类,喺龙口德柏包装嘅...
　　唔做唔知,经过呢2日,我唔敢再多食呢啲嘢,特别当你知道佢系点整出嚟嘅时候!!
　　写到呢度,我都以为自己可以准备DM复试...
　　今朝,收到百胜短信通知,叫我＂报销＂...无得去复试.............................
　　＂感谢您对我司的关注,很遗憾地通知您未能通过餐厅的试操作评估.希望您在其他领域释放更大的光彩!＂
　　枉礼拜五晚2点落班交流,店经理仲话表现ok,叫准备复试要注意啲乜...
　　感情被骗de感觉...时间白等...
　　如果pass系电话直接通知...
　　见到短信嘅时候,真系好...hurt!
　　兜兜转转,几个月,甚至大半年,见习助理,无缘...
　　勉强无幸福,纠缠盏晒气...