忙

　　最近中意左忙碌。
　　发现最近只要一得闲，就会忍唔住去谂野，尤其系一D好令人郁闷或者愤怒或者悲伤既野，然后觉得人生好灰，然后咩动力都无晒。
　　发现忙碌可以带比我好多乐趣。好多人都唔想去上班，有人话太无聊，有人话太累，有人话太压抑，有人话每日都系净比人使唤学唔到一D野，总之就有好多理由。一开始我都觉得好唔适应，好辛苦，要不断甘去努力记住每一个科室甚至每一个老师既规矩，仲要努力记住老师们不经意间讲到既知识，每一步都要小心翼翼，惊住会唔小心闯祸，轻既比老师或者护士闹，重既会连累到病人。有时甚至想好大声甘讲出来，我既脑唔系电脑，里面无芯片，唔可能记住甘多野。有时真恨不得自己既脑有个芯片。
　　所有既唔快乐都系暂时既。慢慢当我融入左呢个科室，开始熟悉起来既时候，就会发觉其实一切都系好简单，慢慢发觉其实忙碌带比我既乐趣，远比空闲无聊要多。
　　当带我既主任称赞我既时候，心里禁唔住一阵阵窃喜。当其他老师都觉得我好既时候，真系好感动，上天真系好眷顾我，唔比我既一番努力白费左。今日主任又一次要我留系距身边，我真系感动到想喊。宜家呢个时势，本科生已经有几甘无用已经系众所周知既了，主任竟然仲甘唔在意，开声叫我留低，真系唔知点报答距对我既赏识。好开心。
　　今日一早去体一个今日要出院既病人。其实系因为昨日下午同同学偷走，唔记得帮距伤口换药，所以先一大早就好内疚甘去体距。帮距换左药，倾左几句。距又话我体起来喜气，要出院左仲有D唔舍得，不过医院点都唔系久留之地…或者系因为我次次见到距都会对距笑笑，所以距先会逢人就话我喜气，唔似得其他医生…不过每次听到都会好开心，以前经常觉得同埋担心自己太忙时会心情暴躁或者愤怒，就会唔经意间比人面色体，尤其系病人…宜家得到呢个病人既评价，真系好开心。不过同时都告诫自己，见到人要多微笑。
　　今日下午大家都借住开某同学既入党大会之名，中午就坐班车走左，我犹豫左半日，决定留低。下午大主任收左一个怀疑卵巢癌既病人。见识到后穹窿穿刺。不过病人好痛苦，甚至话唔想医，唔想做人了。可怜距痛左半日，都只抽到十几毫升腹水，最多只够做病理，想做生化都唔得。做完穿刺之后仲痛，仲头晕，连路都行唔到，好彩护士经验丰富，唔比距走，要距再训一阵等唔晕左先翻病房去，迷就半路距晕低左我肯定扶距唔住。呢个病人既女婿非常孝顺，体病住院签字全部都系距一个人跑来跑去，仲叫我地唔好同病人讲距有癌症，帮距厄病人话只系做个小手术。都算系有喜有悲啦。
　　下个礼拜就出科啦。但系仲系觉得自己咩都唔识。希望剩低几日可以有更多收获啦。
　　发觉妇产科都唔系想像中同传说中甘恐怖既。哈哈。