祭文

　　祭 文
　　今日系一个令人痛心的日子，我家的一位成员系佢的睡梦中永远咁离开左哩个世界。哩个系佢来到我地屋企经历的第三个冬眠，春天如期而至，只系生命无常，从今开始就无办法再睇岛哩位小成员活泼的身影了。
　　至今，初相见的情景尤新，初来乍到的你，拣饮择食，都未氹岛你食，第一个冬眠时间就到了。原本将你放去放生池度的计划就因为你的绝食打断左。满怀住不安，任得你系阳台风吹日晒，等到左春天的第一个雷。果晚真系好夸张的雷，大声到你系阳台将细佬成缸蝌蚪食晒我地都听唔岛。第二日我地惊讶咁发现空荡荡的蝌蚪缸同懒洋洋的你，哩一日开始细佬就成左你的死敌，争宠大战系屋企正式拉开帷幕。为左比你食饱，我地不止一次咁将细佬的宠物蝌蚪仔、鱼仔加入到你的餐单，幸好后来有高人指导直接买鱼肉你食，米先可能哩篇祭文就等唔到今日了。
　　至今，依然记得我地围埋一齐研究你的性别问题，虽然多小感觉唔岛你有唔好意思，不过我都有d过意唔去，将你翻转来研究左甘耐。从哩一日开始你就有左作为加入到我地屋企的专属称呼——龟先生。
　　至今，夹住一块鱼肉钓你的快意仍在，睇住你狼死的样，实在系太可爱啦！只系你无节制咁食完，过得几个钟之后饱到哩埋系度呕，实在令人心痛。饱死鱼听得多了，真系唔想我屋企出左只饱死龟。
　　至今，带埋你一齐搬入来新屋的兴奋仲系度，成屋乱七八糟，个个挂住搬屋只能将你安置系洗碗盘，虽然知道你最惊就系哩d细空间，不过只能忍痛等你捱一捱了，捱完哩度依然有只属于你的阳台。睇你个样好似唔多满意哩个阳台，无法了，毕竟哩度无之前果度咁原生态了，只能买个更大的盘比你游水补翻数啦。
　　至今，我依然坚信你肯定认得我地，听得明我地。米先点解你见岛细佬会张牙舞爪，见岛阿妈就大冲埋去，见岛我就无动于衷。只要我地叫你，你就乖乖翻去你地头。相信你都明白，厅系我地的，阳台系你的。过来观光无问题，但系到时间叫到就要翻去啦。
　　至今，点样令到你唔惊我，够胆行埋来依然令我感触良多。原来龟都系奉行＂喂渠者万岁＂原则。
　　至今，每日走去睇下你，氹下你，叫下你依然系每日的功课.......本来.......
　　至今，下午的果个电话依然令我难以振作，死讯系电话入边传来.......
　　我明白听日开始早上的阳台就唔会再见岛你出来晨运......
　　我明白听日开始就唔需要再同阿妈研究你要几耐先肯开眼......
　　我明白听日开始就无得再佩服你点解可以闭着眼周围走.......
　　我明白听日开始就唔使再去帮你拣个龟老婆.......
　　我明白听日开始我地屋企就唔会再有你会活得几长命哩个话题.......
　　或者哩d就系自然淘汰，物竞天择.......
　　今年的惊蛰并无打雷，今天的春天时冷时热，今年的你一月就开始闭住眼到处逛却滴水不沾........
　　一切都只剩下遗憾
　　怀著满眶泪水写低哩篇祭文，表达我无限的追思与哀伤。
　　谨以此纪念我家最可爱的小成员——龟先生
　　你的屋企人：qier lu
　　2011.4.2