LASTSUMMERHOLIDAYampgtOVER

　　一个暑假过去啦，整整两个月，好耐无系度同大家顷计啦，唔知大家有无挂住东东呢 两个几月以来都发生唔少野，但系因为呢样个样噶原因一直无同大家顷下讲下（明明自己懒仲系度稳借口……），衣家系度同大家讲下一D暑假噶事，同时为恢复周记开个头 希望大家继续多多捧场啦
　　上次系627，即系学期尾啦，我呢D甘爱学习噶人当然要讲下读书成绩：UNFORTUNATELY,呢个下半学期我又有两科补考，C++我认命啦，无咩点听过课（虽然都无边科听过……），但系个死人老师都唔使比59.8我甘歹毒噶！仲有马哲……十分无奈，我读政治出身噶（虽然得444分），仲要开卷，点解唔过呢？系米因为成日都迟到去食早餐？或者功课只做一半？算，我唔系一个在意过去噶人，补考，比距咯 另外仲要顷下我第三次考专四……无错，系专四——大专英语四级考试 CET4，无论系自己噶感觉定系人地讲，呢次都系最近三次里面最难噶一次，不过我依然保持进步，只系比上次低左七分！可能有人问我条数点计，你地林下，系正题难度提升之后，我依然可以保持水平（几百分噶题目个七分可以忽略），证明我进步左啦，哈哈 讲翻正经，可以比我再考噶机会得两次，不过我林都无咩机咖啦，最近真系觉得自己英文差左好多，有时D好简单噶野都唔记得，或者系太依赖身边D英语叻过自己噶人挂，本人不嬲坚持术业有专攻，既然距放弃我咯，我都唯有遗弃距咯 呵呵
　　学期尾猪排翻过来，因为距今年开始要过澳洲实习，所以可以留系广州噶时间唔多，个次距翻来都只系同距食左餐饭，记得个时距条女十三（十三中出身噶）岩岩知道高考衰左，玩失踪，几YEAH啊……个次食饭坚少都有出现，讲左好多同学之间噶野，以前噶衣家噶都唔少，特别系MONEY透露左D比较惊人噶野，不过讲得＂透露＂就梗系D秘密野啦，边个想知自己来问我！个餐食得几开心，不过顺带一提，越茗苑质素认真嘛嘛！讲翻猪排，最紧比较多烦恼，无论系感情上同工作上都唔多顺利，希望距可以尽快收拾好心情，尽快搞掂过澳洲噶事，过到去，米好似当年去北京甘，又一番新噶景象，虽然资源比较短缺，但系我始终相信我地BOYS系有实力咖嘛，唔一定下下靠钱噶！有本事甚至可以人财两得，最紧要对自己有信心 另外，由于呢个假期猪排唔系度，就由我同money组织大家出来唱K聚旧，虽然都无点做过咩（就系几个电话十几条短信），不过都算几成功，该出现噶都出现左唔少，特别同大家形容下几个我觉得至得形容噶人：无咩点变噶海文，一样寡言噶宾治，依旧出双入对噶琴梅二人组，肥左噶阿靓，瘦左噶FORRA，对鞋唔衬套衫噶咸鱼，当然仲有SEXY噶EMILY同MONEY 见翻甘多F，当然就系开心啦，不过希望齐人噶时候快D再来就好啦，包包，BT，猪排，SUSIE，等紧你地哦
　　讲开F，当然唔少得四废！呢个暑假初中同学噶聚会我基本都无出席，原因太多无办法讲清，唯有系度同大家先讲声SORRY 我地四废呢个暑假系我屋屋埋堆打雀三次，寻日就系最后一次，本来打算质问贱系学校噶情况——当然就系感情方面啦，点知距诈癫扮傻硬系唔肯讲，净系发现距反应慢同埋烦呢两个特质比以前有过之而无不及，简直可以用冤气呢个词来形容！至于gigi，想稳距条女噶事，又系守口如瓶，唉，都唔好玩噶！不过大家打雀就都几开心，因为头两次都系阿贱一家输三家，今日好D，打左十一圈，GIGI输21粒，阿贱输三粒，无计啦 本身阿贱唔使输噶，点知距竟敢食我一铺降爆全包十五粒，我一努之下开启C能力不停食糊，加上孔霈霖同GIGI噶相助，领到阿贱又赢20几粒变成输，GIGI都话同阿贱同归于尽，死得眼闭，哈哈
　　BOYS呢次出来打波四次，不过如果讲真系有出力打噶，我觉得得一次……无计啦，一来场地唔允许，二来主力李志鸿成日都带伤上场，唔系左脚脚底穿窿变小飞侠就系右脚拗柴，传个波比距距要慢慢拐过去，跟住个波系距到达预定结合位三秒前除左界……成个废柴甘！个次我地去JERRO度打，我，许靖同埋BT打住曼联——曼可顿面包联合噶名义去打广药——广东药学院，本来听讲好多女系宿舍望落来咖嘛，点知乜都无，得成班麻粒佬，搞到我地曼联输比广药（另外一个重要原因系李志鸿去左帮广药，仲要劲到咩甘） 呢期我地去过一次大四川，平左喔，30一个人，啤酒仲要一蚊一支，虽然无左肥牛，不过都几好啊，因为我地食左好多猪肉 系呢个物价飞涨噶年头，纵使我地伟大噶党同政府努力做紧宏观调控，但系猪肉都仲系维持系15.16一斤，我地比左钱，唔食翻够本点得！结果，我地一人搞掂左斤几猪肉，差唔多一斤鲜百合（正！劲香劲滑），一公升以上噶饮品，仲有一大堆纳杂野 我同许靖仲玩左呢个俄罗斯贡丸轮盘游戏，系度同大家介绍下：好简单，向劲辣汤底加入参与人数甘多噶贡丸，然后用筷子系其中一粒上面督两个窿并混入其他贡丸当中，等全部贡丸变大噶时候，轮流一人简一粒成粒PA，由于贡丸中空，督穿个粒会饱含辣汤，一淡PA落去……怎么一个爽字了得 我地玩个时许靖两次都让我简先，两次都输晒 喔哈哈哈哈……………………
　　八月3号，我收到一条短信，话我张卡余额不足，我心林：我一号都够扣月租，点解会无钱呢？八月5号，我收悟到我老豆比我两条显示已发出噶短信。八月6号，我充左一百蚊，竟然收到GPRS扣费18蚊噶短信。八月7号，我再次收到GPRS扣费5蚊噶消息，同时我关机打自己电话，居然可以打通！……记得上年七月初我同大家讲过我去大学城噶途中跌左个银包，里边有我个NUM噶本卡，执到个条粉肠居然系一年之后先罗来用！无语……我即刻停机，跟住第日林住去沟通100办翻张卡啦，点知话密码唔岩，要搞密码重置，提供十个五日前一个月内包括号码同时间噶通讯记录……足足搞左我一个星期先搞掂，个扑街仲要够胆死又走去挂失，落名系车XX,真系肥婆奶奶，比我知道系边个，我实阉左距！……女噶话睇情况再处理！
　　系八月份，我屋屋多左个新成员，就系之前同大家介绍过噶猫猫，前排经非官方人员相议过后，我地决定叫距虎虎！到衣家为止，虎虎已经来左我地屋屋26日有多啦，唔单止大只左，而且好了解我屋屋，识得踢波波，偷食我岩岩煮好噶送，碌地沙，系防盗网晒住太阳觉觉……不过比较奇怪，我硬系觉得距有D傻同神经质，不时会突然加速快跑，仲要系会漂移过湾噶，但系有时又会收制不及撞墙……有时会入左D死角位，唔可以掉头时又唔识倒退，或者跌落冰箱同墙中间＂大＂字形夹住唔郁得……虎虎好曳曳噶，咩都去爪下，成日周围走又唔中意洗白白，有一次仲走去隔离屋要人抱距翻来，鱼肉捞饭就斋食鱼唔食饭，中意推跌水瓶同撕纸碎……特别系对我D手手脚脚特别有兴趣，成日都想扑过来爪下咬下，照计我又唔似鱼鱼噶……ANYWAY，屋屋多左虎虎都多左唔少生气……终有一日，我会骑住虎虎去威，大家得闲去以下地点等下啦：426.BABYFACE.CHINA V.FEELNET.GHOUSE……哈哈
　　讲到屋屋，不得不提噶就系呢排同阿妈唔多好噶关系，唔知系我越大越曳，定系距呢排特别烦，两个人噶摩擦好似多左甘。早排系我比某D野烦到连野都唔想多讲噶时候，距走来问我D唔多紧要噶问题，甘我米话＂唉，你睇电视啦 ＂甘咯，跟住距就话我态度差！我认我态度系唔好，但系做左几十年人，系米好应该识得睇人地眉头眼额呢，我眼圈黑晒，嘴唇发紫，成晚都悟出声系度睇电视，你都仲要来惹我噶，系米LOLIJEAN啊！？之后第日距继续系阿婆面前话我，我一怒之下决定上完课就离家出走（几爱学习！），因为某D原因（绝对唔系因为惊左阿妈），出走只维持左五个钟。呢五个钟噶旅程令我恢复翻平静，翻去道歉，距话我有野烦都唔应该稳父母出气，你惹我，我讲左一句姐，乜我甘都叫专登稳你出气……唉，都系多一事不如少一事啦……我呢排都林住就来翻学，可以噶话夜晚就系厅陪下阿妈睇电视，寻晚本来都好地地，无拉拉话我成日挂住部手机，做野就无手尾无记性，跟住就爆粗。呢次我索性声都悟出，由距自讨没趣。讲真，有句话我忍左好耐了：我系读书唔叻，但系自问其他样样我都做得唔错啊，你又唔系话教育方法或者条件好好，衣家甘样做你个仔你都唔满意，比着第个做你个仔，你激死好耐啦！做人都唔知足噶！
　　有D激昂 讲翻D轻松噶野。呢个假期算系比之前两个暑假过得忙D，不过都爆左两个大GAME：孤岛惊魂，泰坦之旅！孤岛惊魂之前同大家提过，04年噶制作但有06年噶品质，无论画质，操控，音效，游戏性都可以同新出噶射击游戏有得挥，仲出紧续集，大家不妨试下。至于泰坦，画面同设定都比暗黑要好D，其他无咩可圈可点之处。衣家仲玩紧变形金刚07，蜘蛛侠3，机战W，算系一般啦。值得一提噶系系许靖带领下开始接触DOTA，即系鬼佬3c，兵仔劲过英雄，合成方面RPG味浓厚，都叫玩得下噶，不过更加讲求时间噶掌握同配合…魔兽始终唔系我强项……KOF方面算系有D进步，放假无咩人陪我玩，但系某日赢左许靖两铺，连邹晓康都话我进步左少少，全靠屎忽噶走位，YEAH 密切期待富甲5同埋使命召唤4，不过都系一个星期玩一阵啦，持久战……
　　大家米以为我净系挂住玩无做野啊，虽然呢期无正式做过兼职，但系都帮BT做过学校推荐同埋拉赞助，不过都系一阵姐，呵呵……无计啦，帮距稳到人，间学校又话招满人，晕 至于拉赞助，本来都几有冲动噶，但系亲身试过之后，理性话我知系一个几近唔可能完成噶任务咯：大学生组织，有竞争者，稳30个商家，四分一A4纸200蚊一间学校，限定9.12前完成……呢D条件要同时达成，根据专业人士（我某个做宣传噶亲戚）计算，成功率最多得三成……唔系话唔想帮F，只系理性D林觉得唔值咯。我就无点郁啦，不过BT仲日日博杀，希望距地最终会成功啦
　　讲起学校，不得不讲下高考，本来呢届我都识唔少人（正确来讲系识唔少女，嘻嘻），但系仲有联络噶就系两个——PENSY同蒙蒙，两人噶水平就不予致评，大家心照……不过多得有补录系统，距地都总算稳到自己噶学校：pensy去从化XX学院，蒙蒙去左广技师天河学院（貌似增城华师同广技师都同我几有缘……）。大学唔系无野做无野学，不过……ANYWAY希望距地学到应该学到噶野，开开心心啦 下一届就到波斯猫同宝妮仔啦，得闲问下距地至得！
　　系啊，呢个假期仲有几日特别噶时间，就系嫲嫲来左我屋屋住左几日！熟我噶人都知道嫲嫲系自细带大我噶，所以呢次专登叫距过来住下！重温细个同嫲嫲一齐买送，系屋屋打羽毛球，一齐煮饭食饭……好开心，感觉自己就好似变翻细个甘。身边同时有一个长者系呢个时间去世，哀伤之余，我决定要对自己噶嫲嫲更加好D！上个星期拉叔都带左嫲嫲去惠东个边玩，但系由于部车无位噶关系我陪悟到嫲嫲一齐去，不过无所谓，嫲嫲玩得开心就得啦，我系屋屋煮定D拳头甘大只噶鲜鲍比距翻来试下！个日系我第一次接触甘大只鲍鱼，仲有九只甘多，久经厨房历练噶我依然毫不畏惧，手气刀落，一味上汤煨鲜鲍，一味鲍片炒丝瓜，全部人都话唔错！当日正值农历7.14，当然唔会忘记上香比爷爷，相信可以煮出甘样噶送，爷爷在天之灵都会开心：爷爷，新学期啦，保佑你噶孙仔啦，处理好身边噶问题。照旧啦，平平淡淡，简简单单
　　讲到食，就要讲下我噶营养师课程。系啊，呢个假期我终于正式踏上营养师之路，上课都差唔多个半月啦，学左唔少有用噶野！上课个度都算女山女海，不过都系斯拉，我可能算系最细噶一个，呢个系惟一噶遗憾……可能因为兴趣同埋应用啦，真系比听D咩VB，C++有心机得多。虽然间唔中都会合眼训，可能因为太耐无试过认真听课，但系无问题噶，靠我噶天资同热诚，十月下旬噶考试——我食硬你啊！！！