实习日记妇科

　　2009年7月27
　　今日开始跟妇科，仲多人过儿科，个医生好肯教但系就吾比人收工...个医生门口写擅长盆腔炎但系医不孕证又好擅长！今日第一次睇到宫颈口，见到糜烂、白带、黄带...知道有一种叫咩＂免疫...＂可以治疗女性对胎儿的对抗可以减低流产。
　　2009年7月28
　　今日可以熟练甘帮人做妇检取白带啦，不过仲系有D惊，因为果只钳真系好恐怖下！
　　2009年7月29
　　开始对黎个老师睇D病人觉得闷添,吾系盆腔炎就系不孕症多个都无！点挨啊，要换下心态先得啦！
　　2009年7月30
　　今日基本上全部都系黎睇不孕，有个仲话为左怀孕日日食炖公鸡，点知反而搞到自己子宫内膜变薄仲易流产！
　　2009年7月31
　　发现个医生真系好难顶，可以借去厕所既名义去同人倾计，果阵已经中午12点够晒钟食饭距仲可以有时间同人倾计，搞到以前跟距果实习生日日成1点几先有饭食！成日话自己好忙但又有甘多时间同人倾计！
　　2009年8月3
　　今日好惊喜，竟然见翻小学同学，仲要都系系黎间医院实习！终于同个主任讲左要求换医师啦！期待下个星期跟潭医生！今日见到个宫颈肿大得好交关既病人，又有个20岁既女仔去落仔啦，真系无阴功，知道养吾起做么吾做避孕！
　　2009年8月5
　　今日好眼训啊，吾觉意将一个男病人既诊断写成＂月经不调＂；有3个同我同年的姑娘仔一个有左4个月，一个生完4个月，一个准备4个月后结婚，真系巧合！
　　2009年8月6
　　今日下午潭医生叫我去帮人做手术啊！洗手洗左3分钟，再洗净再用酒精消毒手，再入手术室着衫，个戴手套，带左两次先比我行埋个病人到。做子宫切除同子宫腺基症手术，做左2个半钟既手术终于完成。跟梗个老师以为我弱质芊芊见血就晕果只...
　　2009年8月8
　　今日系跟江医生既最后一日，终于解放啦，吾洗迟食饭啦！今日有个师妹黎见习我同距一齐跟，个师妹都几可爱！
　　2009年8月10
　　今日终于跟谭医生啦！距好好人啊，好肯教人啊！仲纠正左我好多江医生教既错误手法！
　　2009年8月12
　　今日雨天，病人好少！成朝都好眼训，摸左几个人既子宫！又肝郁，搞到成日神不守舍，凭经验肝郁果阵静鸡鸡稳个安静既地方自己喊，收吾到声就念经...
　　2009年8月13
　　今日系今年天灸既最后一日，无之前果几次甘多人贴啦！中午11点半翻左去帮讲医生手，居然先睇到第18个病人，仲要有3个人帮距手，点解可以甘慢噶！我一去到帮距1个钟就已经睇左30个病人！距真系无人督速就慢得可怜！
　　2009年8月14
　　今日有个阿婆10点几入院，下午3点几就比内科病房玩死左！之前系妇科果到医好过行得喋得，虽然都无存活既迹象但都系去到内科受左D苦先去世，真系阴功！
　　2009年8月18
　　今日又去手术室做手术啦！无第一次甘紧张啦！个护士长今次有好似脾气好左窝！上午同一个系红会医院3个医生一齐取环取左1个钟都吾成功既女人，离到我地到比个主任一阵间就取左出离啦！原来个环断左！下午睇子宫肌瘤剔除术，听日下午又有得睇咯！
　　2009年8月19
　　下午又系睇子宫肌瘤剔除术，个病人好多肌瘤，个手术时间长到同全宫切差吾多！
　　2009年8月21
　　今日个老师叫我做左两个通水术啊，一个顺一个塞，两种情况都比我见晒，不过感冒好辛苦啊！
　　2009年8月27
　　下午4点做左个宫外孕既手术！
　　2009年8月28
　　感冒总算好翻！下午3点做无痛人流，个老师叫我试感觉下点样为止清宫干净！原来干净反而系鞋十十！