Watsons520

　　琴晚老豆破天荒主动打电话俾我,问我揾工嘅嘢,都估到无好嘢啦~
　　今朝未够7点就起身啦,因为...面试!
　　第1场,9:30am,屈臣氏!
　　东站飞铁海珠广场,我8点半未够已经上到公司=.=＂
　　话晒李嘉诚间公司,系有啲嘢,终于有机会上嚟望望,话晒平时都帮衬唔少!
　　广州总部喺＂华厦大酒店＂8楼(隔离一栋就＂华侨大厦＂)...4星级,喺一楼已经见到好多鬼佬,特别啲中东胡须佬!
　　一上到8楼,冷气唔使钱~冻!!环境好干净!
　　份表中英文格式,颇pro!
　　面试好快~面试我嘅OL姐姐好得,斯斯文文,目前咁多次面试,最舒服呢次!
　　最紧要系用广州话同我交谈,第一次唔使用普通话,简直有影相合照嘅冲动!
　　OL姐姐话江门有3间Watsons,我点都系记得2间:地王&新之城...
　　10点走人...一日嘅大雨嚟啦...
　　既然嚟到江边,点都兜翻转啦~
　　本来想过下渡轮瘾,不过一只人,天气又咁~算!
　　中午,解放南＂万菱广场＂KFC,本来都谂住本死食我从来唔中意&未食过嘅＂深海鳕鱼堡＂嗰阵,点知个北妹话汽水机坏咗,无可乐要换其他饮料,仲无得用学生卡,当单买价钱,我唔食,注定嘀!
　　搞到我带住怒气冲出KFC,之后喺一德路避雨...囧!
　　去＂味然香＂食个牛肉丸桂林米, +蛋.算!
　　老豆话嘅地方基本上去过晒啦~旧区依然喺咁旧,不过好有广州味,特别听到本地纯正广州话!
　　手机信号好~俾龙洞成日＂连接超时＂好n倍!
　　特登兜入北京路瞄瞄,皆因已经太耐无逛...
　　一逛,顶瘾啊!
　　永汉,<金钱帝国>学生价20蚊,难耐我仲带咗学生证,点解要俾我见到?!
　　之后可口可乐个时间2009 – 5.20 13:14
　　啱过经过嗰阵系1:10pm,我等...
　　张相送俾无同我一齐行北京路嘅>.<,用＂献俾＂呢个词更加好!
　　第2场,2:00pm,万宁连锁!
　　喺万福路嘅人才中介,初时以为都无好嘢啦~点知真系...
　　3点过后先轮到我面试,无咩好描述!
　　等嗰阵唔落雨,一出嚟即刻......
　　第3场,4:00pm,较场西加州红!
　　面试完万宁之后,本来谂住行去东川搭车咖啦,点知撞见栋楼喔,虽然之前计划觉得唔够时间去呢度!
　　er…之前我都无嚟过呢间加州红,感觉环境一般般!面试依然无咩好描述,好快!
　　之后见到部夹公仔机,1个银之后,我发觉个钳好松,于是,闪!
　　面试完＂加州红＂之后…
　　好衰唔衰,我兜咗地王…
　　发现YES 947期,Alex Fong做封面!
　　顶瘾x2啊~考虑咗几秒,都系决定唔买,YES官网肯定有图!
　　然后咪喺中山医等535咯~
　　原嚟对面就系,中大北校区,咁多次,宜家先知=.=＂
　　发觉三汽都几**,可能我孤陋寡闻!
　　535,如果东川呢边上车,3蚊;如果龙洞上车,2蚊,不对称收费!
　　上次292又咁,又系三汽车,正佳上,3蚊;员村上,2蚊,都系旺嗰头上车收贵啲!
　　其实呢,如果呢,一般呢,一个上呢,我通常呢,俾2蚊,就算司机明讲!(我无羊城通)
　　翻龙洞途中,见到部大学城4线,我谂,下礼拜3可能会搭!
　　今日总算完成咗计划,虽然金马旅行社无去到...
　　我咁fit,我都想着bikini啊,可惜我无空啊*.*
　　传说中嘅30定45度角哇?!
　　打咗千几字,今晚网速出奇咁卡,攰啊!
　　睇咗一定要回啊!