游戏生涯

　　终于更新到我的游戏生涯啦,自从工作以来,上班时间特别空闲,没野做,当然系要玩游戏啦,网游系一件可以好快打发时光的事,开始工作时,系玩问道,点解会玩?其实....米一个傻人大学果时叫我玩过,我甘岩又上班无野做,又见距开新区,米去玩下,(B4个游戏,开新区速度仲快过我跑100米)因为当时系公司住,所以连夜晚都有时间去玩游戏,我的级数当然相当之高,果然系游戏高手,想当时,我晚晚玩到12点几,真系辛苦晒我自己,好彩当时系夏天,有空调,如果唔系一定热死!一个月时间,就比我去到70级,果然系天才中的天才,除左比我高级果D人,我系游戏里面,根本就睇唔到边个比我高级!到左最后,因为一个小小的意外,合武器失败左,就退出左游戏(其实系你人品亏损严重)
　　之后的一段时间,我努力系度增进我的扫雷同红心大战,仲有三维弹珠技术,好快,就到左一个全新的境界,D个境界可以话系前无古人,后无来者,念天地之悠悠,独苍然而涕下(废话太多,快讲!)走题,总之就系好犀利啦~~~~(蕃茄,烂菜满天乱飞)
　　紧接着,万众期待的寻仙出现啦,D只游戏真系唔错,系40级前的解系可玩性非常之强,系我玩过甘多游戏,算得上非常好玩的一只,但系50级后就唔好提啦,一日都黑系度拾垃圾过日子,搞到我自己头都晕埋,变成左单机游戏一样~~(拾垃圾系咩意思啊,讲明D得唔得!!!)米甘多废话,唔明就出街自己睇下咩叫拾垃圾!玩D只游戏令我明白左几件事:一、免费游戏比收费游戏更用得钱多!(不过本人因为天赋太高,唔需要用到RMB去玩游戏^_^)二、TX代理的游戏就系外挂同黑钱的天堂，垃圾代理，翻去搞你的QQ游戏啦，学咩人玩网游！！！！最后补充：系等级榜同金钱榜都有我个名，天才~~！！哈哈哈哈哈哈哈！！！！
　　寻完死之后，好长一段时间再无玩网游，其实唔系唔想玩，只系唔系好想玩（高人讲野，果然系唔同D，凡人完全睇唔明）近三四个星期，又开始左玩一只好好好无聊的游戏---SD高达，其实只游戏可玩性唔高，因为的确系几无聊下，只系可以用自己心爱的高达打架，感觉非常之后，我的神盾高达真系好有型，好型好型！今日仲买左一只SD神盾模型，五一之后应该可以到货，BANDAI正版，砌好左再同距影几张相放上来比大家睇下....其实屋企仲有两三只高达模型，里水D边都有一只，不过小白龙真系差，建议大家去买TT，质量会比较好，当然用钱都系去买BANDAI啦（莫非你又好有钱？）废话，我仲有几百亿欧元仲未印出来，你话有无钱！
　　总体来讲,上面就系我一年的工作玩游戏经验啦,当然,玩得最长时间的,可能其实或者会系欢乐斗地主....每日刚刚好够豆玩够20盘,当然仲有2D桌球，顺便讲下，本来我唔想系度讲有关人的事，但系讲到2D桌球，真系好想提下一个人，距成日叫我玩，又成日玩唔赢我，仲经常话自己无手感，无手感都敢来挑战我？找死！我实在系太强大啦，打到距心不服，口都唔服，最近距都已经唔够胆再稳我玩啦!(希望距睇到D篇日志，知道我讲紧距，就留翻个言来挑战我啦，我永远都系度等住你挑战我，输左果个请食宵夜）
　　D期甘就完左，下一期我都唔知讲咩好，仲未有具体的大计，希望大家比D意思，真系非常甘无聊，唔打下字，都唔知有咩做！！！