夜探白云山！！型

　　继上星期去大学城，发生左一件未来之旅事件后，事隔一星期，又发生左一件恐怖变态时间—— 夜探白云山 。
　　系一个无无聊聊既夜晚，应承啊全一齐去吃饭、保龄球、吹水（由于太耐没静静甘坐低倾计，甘就应承左）。参与人士有我、carmen、猿人、黄全、宝、腾。
　　出发时，发现一样非常恐怖既野，猿人同黄全竟然身背一个大背囊，入面仲要系装满野，但死都5比人知入面装左d 咩。带住满肚疑问，就齐齐去左新开果间意大利餐厅吃野，吃完就去我地既老地方——保龄球场玩。每人2局，到左11点几，由于啊腾要翻去报道，提早走左，而carmen 想玩埋果局，捻住玩埋先走，但点知......haha 比我地拖时间拖得太耐，要夜归，结果就夜归变不归，比我地齐齐拉左去下场，但到个刻，我仍然不知道下场地点系边，只知道两个大袋入面有d 非常之甘变态既野，包括：电蚊拍、火机<没人身上有烟的>（当时只知道呢两样）。出左球场，黄全同猿人竟然话要去ok 买干粮，度过今晚......感觉上越来越恐怖，疑问越来越大......上左texi 既果刻，终于知道渠地目的地去边度啦......白云山！！！渠地捻住 夜探白云山
　　五个人落左车，果边好少人，但不时见到有好多私家车入去，而且入面仲好多灯，甘就应该没咩野，都捻应该几好玩，反正未去过白云山，趁呢次顺便行下。一路行，一路发现两个大背囊里不能说的秘密，里面有......槌仔、蚊拍、衫n件、颈巾、火机、手电筒几个、相机、保龄球鞋一对（呢个只是打保龄球用的）。原来早有准备，厄我地上山
　　一边行，一边吹水，行左大概半个钟既路程，见到个休憩区，坐低，吃下野，倾下计，听下歌，休息下，大概一点钟，继续往前进发。终于到左山腰，系渠既休憩区坐左好耐，倾左好多野，连d 情史都拿埋出黎讲（呢d 当然吾可以系呢度公开）虽然讲过好多次，但仍然觉得好玩。坐坐下，突然＂嘭＂一声，所有灯关晒，周围漆黑一片，但一于少理，继续我地既话题＂探讨内心世界＂
　　不经不觉甘就3点3，系时候继续往前进发，但由于之前d 大灯关晒，就唯有拿出我地既秘密武器， 灯 ！！结果发现.......d 灯系吾够光的，而且前面既路实在太黑，行左一段路之后，停低，商量要吾要继续往前行。因为我地当时系山腰附近，再往山顶需要起码5km既路程，研究左好耐，亦见到好多人系上面行落黎，最后决定，继续行，唯有拿出我地既杀手锏—— 槌仔 ，仿身。扎槌呢个甘重要既任务，我地将渠交左比宝宝，五个人，三个扎住d 吾够电力既灯，一个扎蚊拍，一个扎槌，痴埋一齐行，务必将危险指数减到最低，好彩，系行既途中，不断有私家车经过，帮我地探路，让我们能够看清前方既路。当时目测距离只是2m 左右。一边行，宝宝将渠手上既槌系件衫度拿出来玩，我地系后面打灯既人士，望过去，就似d 丧尸复活，扎住个凶器，到处稳猎物。个刻好想影低渠，但碍于在荒山野岭，又夜深人静，好怕影到出来，见到d 吾应该见到既野，甘就吾好啦，打消留影既念头。
　　4点，距离目的地摩星岭仲有2.5km 既路程。加油！努力！不过要先休息一阵
　　继续行，终于上到摩星岭既最后关卡，个度仲有个闸口，要买票入场的，行到果度，简直扩然开朗，果度灯火通明，仲不段有游人经过.......见到d 甘光既地方，第一个想到既系，即时收埋件凶器，免得人地以为我们是打劫的。继续往上爬，拿起部相机，影低山顶d 甘靓既风景。
　　终于行到上顶，发现.......原来上面有好多人，即系话，我地全程都系自己吓自己全部都系为看流星雨的，看完流星雨就看日出。到达山顶，只是四点半左右，距离日出还有一段时间，去完wc，稳个靓位，开餐！！！开台！！（吾好误会，只是拿出之前买的扑克，锄d 而已）经过六、七铺大战，终于天光（果时啊全系训左的）准备天光既果段时间，＂嘭＂一声，又一次断电了，连去wc 都系一件麻烦既事情，我同carmen 拿住支灯，一个系厕所入面，一个系门外面打灯，十足d 偷窥行为一样，非常之甘好笑，而啊宝系厕所外面.......唱歌，个刻好想出去打渠
　　天光啦，落山了，拿住部相机，沿途不断地讲笑，不断地影相，重复又重复，好快甘就落左山，搭车翻学校，结束我地夜探白云山既冒险历程。
　　夜探白云山，简直系我系大学入面既一次变态回忆，由一个普通既朋友聚会，竟然演变成冒险历程，仲要系在一个不知情既情况下发生的。
　　总结呢次夜探白云山既行程，系非常之好玩，我地差吾多去晒白云山所有既厕所，系黄全同猿人既部署之下，令我经历左一次意想不到的旅程，唯一遗憾既系见吾到流星雨同看吾到日出，天气太差，雾太大了（虽然目的不是去看流星雨和看日出的）但呢次既旅程，将会系我大学入面一次值得珍惜的回忆。
　　呢两个星期既奇遇实在太好玩啦！！