五一

　　今个五一 去佐香港 玩佐好多地方好特别既度假方式 钟意
　　4.30
　　上完英语课之后就逃课 嘻嘻嘻 第一次逃课 有D兴奋（不过下午各老师点佐明……唉……真系唔好彩……anyway i had a great time in my holiday!）
　　大一点既车翻屋企两点半就到万江啦 不过翻长安既车竟然甘可爱 四点先翻到乌沙路口……晕死……
　　好啦 足之翻到屋企啦 冲完凉 拾好背囊 出去截的士
　　死人的士佬！！话长安塞车 唔肯出长安！！（不过后来见到D车龙 又真系好塞车既……）
　　好唔容易 都截到啦……30蚊……唉……（不过的士佬醒目 真系可以突围而出 行小路去长安……）
　　六点钟既车去深圳 过关 搭火车 八点半 准时同妈咪、爸爸系老地方汇合……
　　嘻嘻嘻……好开心 两个都好幸福……
　　行街（我最爱的cen ，买到衫哦……） 食饭（潮州佬的打冷 第一次食 哇……蚝仔粥、蒸鹅、蚬仔肉、黄花鱼……） 翻屋企（呜呜呜 好夜训啊……要教妈咪上网 又要整下部电脑……不过我地有开一个榴莲食仲有芒果 嘻嘻嘻 我既最爱……）
　　5.1
　　哈哈哈……训到成十二点先起身 跟住去做饮茶……（无食到海鲜卷 流沙包又比人换成奶黄包 D排骨竟然无骨又无味 不过好在个皮蛋粥肉粥仲系甘正姐……）
　　跟住搭车去中环码头（行去码头既时候见到好多＂宾宾＂ 哇……墟憾到你 成条街都被距地霸晒 就甘坐系地下度食饭、倾计、跳舞……） 搭船去梅窝……（第一次去既）
　　系船度见到好鬼多鬼佬……讲翻个海 海水好清啦 系翠绿色既 跟住就系海风还爽啦 想训觉……
　　落船先知 原来梅窝好鬼大既……一日自助游好似唔实际……
　　行去海边 哇……好幼既沙啊！又好靓个海……（有种冲动就系跳入去游水……可惜无泳衣 而且XX……）而且有好多人系海度摸蚬 有手掌甘大只……劲啊……（不过讲开又奇 海边鬼佬比较少 唔知距地去晒边咧……）仲见到有几个BB净系着住尿片系度玩 有一个男仔应该系刚刚学识行路 所以行唔稳 行两步就跌 好Q……
　　系个海边行还行去 足之 妈咪话＂撩起裤脚 去玩水＂
　　Yeah！
　　第一个冲入去……摸啊摸 原来我都可以摸到既！！嘻嘻嘻……不过妈咪仲劲 摸到好多好大只既蚬 我就最劲就系摸钉螺……总共摸佐一袋……（后面既加菜……）
　　之后我地搭车去大澳（原来来梅窝都可以搭车 唔一定要搭船既……早知就搭车 妈咪就唔使晕船……）
　　大澳 系个小渔村（虽然系细 不过我地有D后悔无早D过来大澳玩 下次一定要再来过 想玩尽D）
　　我地沿路买佐茶菓（芝麻红豆、南瓜红豆、南瓜眉豆 好Q 好特别……）、炸鱼肚、花胶、虾酱
　　睇佐成群既棚屋（系水上既一种屋 好特别 不过好细间、好简陋……）、晒咸鱼既过程（都系D老人系度晒既） 总睇佐本地人既屋村（大澳本身就好细 所以D屋都跟住好细 好似比好多农村都要农村 屋都系长条形既 而且里面D人都系老人 一般系一个 有D系两个 有好少会有个小朋友……妈咪话系D后生仔都出去做野 所以就系甘……）又试饮佐当地既凉茶 红色既 酸既 怪怪地……
　　最后 我地捡佐系一间叫＂莲香酒家＂ 本地人开既海鲜档度食饭……
　　唉……又要等 七点等位 八点坐底 等点菜 九点上菜……
　　不过好在 妈咪话D虾系海虾 条黄花鱼系海鱼 再加上个虾酱炒饭几唔错 所以都算值啦……
　　食完饭出来 D铺都收晒啦 我地行出去搭车去东涌 跟住转车再转车翻屋企 又有买榴莲哦……（全家都钟意食 无计……）
　　5.2
　　明明讲好既燕麦早餐变佐成汤面（女人真系善变……妈咪一直问＂好唔好食＂其实系好好食 但我实在系太饱啦 只系做出好勉强个样话好食……呜呜呜……sorry啊妈咪……）
　　之后就搭车再转车去赤柱……（今蒲唔系讲笑 乘车 除佐我地三个再加十个左右系中国人之外 其他 全部都系鬼佬……劲啊……）
　　途径浅水湾（豪宅：背山面海 而且又大 无野好讲）、深水湾、海洋公园（见到D缆车先发觉 原来坐缆车好好危险下既 先上山 后落山 几乎系垂直既……见到都怕怕……）by the way 一直都见到好多＂宾宾＂ 霸晒个沙滩D树荫位置……
　　落车 仲系好多鬼佬 而且D中国人都系讲英文既……
　　行过条街 水果档、买衫、总之D私人档买D野都系超超超超超超超贵既 摆到明系坤D鬼佬既……特别系后来行既一条街 成条街都系买野既 全部都系写英文既纸仔 价钱贵得离谱 一件羊毛衫都要成五百蚊 一条丝巾要两百蚊……唉……可怜既鬼佬 被人当水鱼甘按……不过讲开又讲 D鬼佬超钟意D有中国特色既野 好似D床单印有喜字、D挂饰印有金钱图案之类既 就有好过多鬼佬买……（弱弱甘讲一句 我睇中佐条裙 标价380 问价300……无言 连中国人都呃……虽然无甘贵 但都好贵啊！！）
　　系赤柱有好几间酒吧连住开 中午时分 超搞笑 爆满 全部都系鬼佬 最出面D鬼佬都系晒住太阳围企系张细圆台度饮酒……真系好鬼死佩服距地 可以甘有兴致……距地令我林起＂醉翁之意不在酒＂……哈哈哈哈……
　　我地仲见到有人系度影婚纱相 个新郎真系……好大肥 宜家先发觉原来我都唔系甘肥姐……嘻嘻嘻……不过我羡慕距有只好乖好乖既黑毛大狗狗做距既花狗……之后我地仲去佐天后庙同沙滩
　　讲到沙滩 唉……那个多人啊！！成个沙滩都系人头 见到都唔想去游水（可怜我今日特登带佐短裤……） 不过见到D比较搞笑既野……D人全部都搽防晒 搽到白雪雪甘系度晒太阳（有一D人仲系裸晒……） 特别系见到一个鬼妹仔 比距妈咪除晒衫来搽D防晒 跟住就比距爸爸单手抱起去玩水……又有D情侣、小朋友系度玩水……远D又有人系度玩风帆（D人多数都系全身着到好似蒙面侠甘 又戴住副黑超 只系露出个鼻）
　　点讲咧 系赤柱比我既感觉就系悠闲咯 无咩好玩 不过应该系个好唔错既度假既地方……
　　甘住我地的就搭车去香港仔 又经过海洋公园 原来隔离就系警察学校 仲见到距地系度操……
　　香港仔 唔熟 只系知以前尼度有好多板间房 不过宜家我见到既系河边 河度有好多渔船 前面系个大海 对面有个岛（鸭脷洲）
　　系河边行佐一阵之后 我地就去搭水上的士 过隔离既鸭脷洲（讨厌 就系呢度 我比D花蚊咬到肿晒……呜呜呜……不过 我都系尼度了解佐唔少关于捕鱼既历史知识）而且仲系过度食完三个芒果！！
　　上岸之后 我地行佐入去 睇睇D村风 其实好现代架 有好多高楼 就系无商场 D人行路都好悠闲既 唔似香港既快节奏生活 我见到有百佳、惠康（不过都系好细间既）不过就见唔到有其他连锁店 都系D私人店……
　　行完一圈之后 我地就坐系河边D凳度 睇D渔船同渔民 我见到距地只船都好大下 但对于一家人既屋企来讲就好细啦 妈咪话距地系全家人都系船上住既 一出海就系几日既事 所以距地系陆地上系无屋企既的确 我见到有几只船上都系全家人都系齐度既 系船上打麻将 小朋友系度玩野……（都系半裸既）我林 甘样都好辛苦喔 甘样D小朋友点翻学啊？妈咪话以前D渔民都系唔翻学既 不过宜家maybe 距地会系陆地上租屋比D小朋友翻学用……我仲见到渔船上有好多神像 妈咪话渔民最信神既 天气、生命……
　　之后 我地又坐翻水上的士过翻香港仔
　　原本林住系渔船上食饭既（爸爸话 有D船系开船出去海度食饭 都系食海鲜） 但因为我琴晚食佐虾 过敏 所以妈咪就话唔去食 改佐去香港仔食 我地行佐一阵 就稳到间酒楼＂嘉年华海鲜酒家＂ 象拔蚌刺身、蒸鲍鱼、瑶柱蛋白炒饭……好唔错 仲有最后个红豆香芋西米露糖水 哈哈哈哈……食到个肚超超超超胀……
　　之后就搭车翻去……
　　就尼两日 都唔记得第几次来到中环、湾仔、金钟尼一带啦……
　　我地系湾仔落车 行入太古城 上去山顶（林住搭缆车上去玩玩） 我地系香港公园里面稳搭缆车既站……一直行啊行 跟住个指示牌 逗来逗去 行佐超耐 终于稳到啦！但竟然超多人排队……所以就放弃佐……
　　但妈咪竟然心血来潮话要去礼宾府……所以 我地继续跟住D指示牌去稳……哈哈哈……爸爸好惨甘要跟住我地两个去爬山坡……我地行佐一阵 就见到一座有好高围墙既屋屋 仲要有好多闭路电视同D铁尖系个围墙上边 我林 应该系尼间啦……跟住就行去正门 妈咪好天真甘问＂尼度系麦礼宾府啊＂个警察原本系度打电话既就挪开个电话话＂系啊 有咩事咧＂＂无咩 就系问下姐＂我林个警察九成以为我地系有不轨企图既……之后就走啦……我地见到 原来礼宾府有个后门既 仲大大只字甘写住＂礼宾府＂之后我地误打误撞甘行佐右边既一条小路 原来呢条路落来就系政府大楼（爸爸话曾任权早上翻工都系从尼度散步落去既 唔知真定假咧……） 小路既后面系一条我地一直认为系曾任权专用既路 因为有个路牌写住＂私家路＂而且路面系升起几个障碍 唔俾其他人过……跟住政府大楼既附近就有间叫＂圣约翰＂既教堂 教堂系经典既大圆顶跟住全间教堂都摄住黄灯 好鬼有feel 好钟意……
　　之后我地行去中环 睇佐夜晚既立法院、中环广场、N多间既银行总部……我发觉夜晚既中环真系好静 除佐我地都无几多人系街度行 不过都见到有人系度影婚纱相同艺术相……成条街都被洗街车洗得好干净 成个中环都好似刚刚冲完凉既BB 开始训觉 变得好甜 好静……
　　之后就翻屋企 继续水果餐……哈哈哈……
　　5.3
　　又系训到自然醒 妈咪已经去佐街市买菜 妈咪应承我话今日会自己煮饭食既……
　　我地蒸佐条黄花鱼、挪前日摸翻来既蚬煮粉丝煲、青瓜炒斋虾……
　　钟意条鱼（妈咪话都唔知你系钟意食鱼定系条鱼真系好食 成日都话D鱼好食 甘系啊嘛 就系好好食 嘻嘻嘻）点蚬都好鲜 不过就系有少少沙（妈咪唔舍得唔俾我食 所以明知D蚬未吐晒沙都要煮比我食 哈哈哈 我真系太幸福啦！！）
　　之后去佐行街 买衫比阿B 我都有收获 三百蚊两件 唔错唔错……
　　之后又翻佐屋企 一起去街市买菜 准备晚餐……（五点钟 妈咪就话准备食饭 距想我食完饭先走）
　　仲系蒸黄花鱼、炆猪手、瑶柱午餐肉虾公炒饭……
　　超超超超钟意个猪手同炒饭……爱妈咪……（妈咪好赶地煮饭 我知距已经做得好累啦）
　　之后妈咪同爸爸都送我去铜锣湾稳姐姐一起翻屋企……（系出屋企门口既时候 我估唔到我真系会眼湿湿 好唔舍得既感觉 特别系当妈咪同我系度争D腰芒既时候我真系好像喊 我好挂住距地 好唔想走……跟住系搭地铁既时候我好似小朋友甘 揽住妈咪 特然之间我发觉我好幼稚 但我又有种好唔想大个既感觉 想永远甘比距揽住）到做sogo之后 稳到姐姐妈咪同爸爸一直陪我到停车场 到最后 真系唔可以在陪啦 距地先走……（宜家先林翻 原来爸爸一直帮我背住个背囊 而且又帮我挪奶奶带斋……）
　　成个五一假期比我最大既感觉系 我有好爱我既妈咪同爸爸我应该做既都系爱距地……
　　似乎曾经既所有都不曾有任何既记忆 我只懂得今天距地对我既点点滴滴既爱……