2012年05月31日西提牛排

　　因为我仲未试过西堤，我觉得甘系一个钟爱美食既人一种耻辱，于是拉嘛她一起去试下。
　　无错，又系她啊~~连Baby！
　　我去云南一个星期返来连Baby就瘦左啊，我最憎人地瘦身成功
　　于是上次AA制去食京基之后，今次决定出嘛钱请她食牛扒，务必要她肥返。
　　西堤牛扒系同王品台塑牛扒同一个集团，经营方式差唔多，以套餐为主，但价钱就系两个唔同既档次。
　　王品系服务、环境同食品口味方便无得讲啦，行高档级路钱，成间餐厅只得一种套餐。
　　西堤就行平民化路钱，套餐分78、128同158三种。
　　今次食128既套餐，食到趴左系度，连Baby份牛扒只系食左一半，餐包她都无食。
　　我觉得同我地去西堤之前，个死婆系星巴客饮左两杯咖啡有关系。
　　仲有啊，饮星巴客之前，我地仲食左个酸辣粉，饮左杯庶汁啊。
　　系大众点评网打印优惠券送既鸡尾酒，D烟从个小石仔出来，个小石仔应该系干冰，超靓！
　　我果分系杏鲍菇芝麻酱沙拉（个名差唔多甘上下啦，唔系好记得清楚），连Baby果份系海鲜蔬菜沙拉。
　　我既系牛油菌菇浓汤，连Baby既系法式蜗牛浓汤。汤好好味，系成个套餐第二好味架。
　　黄色果杯佐餐饮料，系套餐既第四道流程。
　　其实第一个上台既应该系餐包，但个服务员话餐包要当场烤，所以迟左上。
　　连Baby唔食餐包系对架，我食左两块，未到主餐已经饱啦。
　　餐包旁边果份系磨菇酱，同餐包一起烤架。
　　主餐西堤臻烤牛排，我有好认真、好努力甘品尝架。
　　成个套餐只有厘个牛扒系同王品台塑牛扒有的＂挥＂架，厘个扒系新品，前两日先出，味道真系好OK。
　　我影相都唔好睇既，所以我好少放自己D相上来呢。
　　我食扒唔钟意牛扒太厚，因为电视上面D主角食扒都系一片片甘，
　　所以我一向都钟意将D厚扒从中间切开变成两块薄扒，尽量好似电视上既 一样。
　　有个服务员走过来同我讲＂小姐，需要我们为你切扒服务吗？＂
　　食扒就甘系要自己切先似食扒架嘛，边有见过电视主角要服务员帮手切扒架，于是我就拒绝左。
　　跟住个服务员系我地张台旁边行来行去，一直都望住我个扒
　　她真系好睇唔顺我甘切法，好想同我切扒哦。
　　我杯雪糕几靓，叫冰淇淋圆舞曲。连Baby果个南瓜布丁，个碟好似UFO甘大，不过她个甜点系新品。
　　最后系饮品，死啦，唔记得杯野叫咩添，连Baby话叫薰衣草冻桔汁，她讲架，记错左就找她啦。
　　其实饮品系应该最后先上，但唔知点解西堤上左饮品后再上甜品。
　　西堤同王品台塑牛扒有个好大既分别，就系西堤无男服务员啊。
　　王品台塑牛扒D男服务员全部都系穿燕尾服，好有型架。
　　但西堤都系穿短裙既女服务生，其实厘个系唔系价钱档次唔同既原因呢？
　　经过厘个星期既大饮大食，系西堤好似突然发现左一种令到我有动力既生活方式。
　　我觉得我宜家既生活无咩追求，所以做咩都无动力。
　　当然，我对宜家既生活都好满意，但系宜家既生活方式上可唔可以加入一D令到我有动力既改变呢？
　　食野真系令到我好开心罗~~~！