世博四日

　　6月14日，我今年最早起身的一日啊，早上6点，就爬左起身。一定会问，点解会咁早起身？因为今朝要搭飞机去上海罗！去世博啊！10点半的飞机，8点半的集合。迅速的，跑去海珠广场搭机场快线，好好彩，刚上到就开车。电话就响了，某小动物打过来啊，以为佢就到了，点知道佢果时先上车。因为导游提前通知我地系春秋航空啊，所以我地都带晒弹药，知道呢间航空公司不是路的啦，有无水饮有无夜食。点知道，10点半的机，12点都未起飞！！！本来1个半钟的行程就搞左2个钟，为乜？sell佢飞机d商品罗！好啦，闲外话讲完，下午4点，正式入馆！从d区入，由于delay晒同埋要晚上9点就走的原因，只能在d区果d咩城市足迹馆啊、咩太空馆啊等地方徘徊，最后去左震旦馆影左闻名已久的金镶玉。行到咁上下，就出去翻去导游所讲的山卡拉酒店了。途中，导游问第二日想几点起身，我话6点，点知个个当我傻仔，无人响应，无法，唯有按照导游的意愿，8点起身8点半早餐，9点出发了。
　　6月15日，出发了，小动物话要去非洲馆先，于是，我地就坐船去左非洲联合馆。非联系电视台话最值得去的地方，但系，一看门口，无人排照入去啦，非联，就系指无钱起自己国家馆的，唯有去联合馆安家乐业了。乌干达个章比较过瘾，其他都好千篇一律。非联小插曲：非洲人原来好怕比人映相的。有个人影人家，个黑人大哥好礼貌咁叫佢唔好影，结果，都系要影，个黑人大哥当场爆粗！唉，何必呢睇完非联，就睇攻略上叫大家唔使睇的馆，点解呢？因为其他馆实在太太太多人了。不过，下午都睇左荷兰、奥地利、土耳其、匈牙利等自建馆，呢d馆虽然条队比较长，但系佢地流动得好快，所以，我地都比较快咁入到去的。晚上，我地好勇咁排左法国，居然用左半个钟就入到去了，晚上真系快，趁晚黑，我地攻陷法国后转攻丹麦。然后我地去做美洲馆：古巴、巴西、阿根廷、加拿大、智利。最后去到美国，见到美国无章盖，走！（唉，依家好后悔啊！后来去的地方都闭馆了最后都系无攻陷美国！！！）然后9点几了，搭车翻去d区出园了，沿路见到沙特馆同埋日本馆条龙都仲好多个蛇饼啊！晚上11点，导游带我地翻房间
　　6月16日，早上，居然还推迟了半个小时出发！我晕啊！入园之前，有个阿姨问导游有无预约中国馆。（因为中国馆要预约先可以入）个导游话预约唔到，然后果个阿姨就搏命闹！个导游一于当佢唱歌。而我地的计划系今日去E区拿城市名片册（好重要，一张门票只能换一个，可以有沙特馆和中国馆选一个）。结果去到，居然仲有中国馆的城市名片册未发完，但系，我地的门票系团体票，工作人员话唔接受团体票！（团体票比普通票要便好多的！）工作人员仲同我讲，有团体票一定约到大馆的。于是，我打电话比导游，问佢咩原因。我话第二日一定要拿到普通票！我话我地系做左功课的，依家系客观无得睇，叫导游负责。导游好无奈，只好同我讲佢会去争取。打完电话后，我就在城市实践区的三个西班牙城市在护照上西班牙的那一页盖了三个章，然后先去睇中国馆隔离果个省市馆度睇下，行得一半，导游同我地讲去约到中国馆了（估计系搵黄牛），集合时间是5点半。于是，我地就留翻一个位比中国馆盖章，就走去西班牙馆了。因为之前在城市实践区的三个章，好顺利咁唔使排队入西班牙馆睇野。西班牙好好睇啊！攻陷西班牙之后，已经两点了。于是在咩乌克兰、爱尔兰啊等无咁热门唔使点排队入左去。搞下搞下，就行翻过亚洲区，在菲律宾馆食野顺便入馆坐低睇下表演休息下（好难食，姜茶还可以，本来咳得好犀利的，饮完就唔咳了）。食完饭，就盖章，出馆。行果d流动量比较大的馆：印度尼西亚啊、新西兰啊、城市人馆啊（城市主题馆都几值得睇的）。睇完就去睇中国馆了。睇完中国，7点10分。（点解咁强调呢，因为后面有故事。）去攻克意大利馆。小插曲：排到咁上下的时候，有个小女孩插我地队，咁就算了，佢阿妈后来一野推开我小动物来插队，我骂她们她们还恶过我，后面小女孩的老豆仲闹我同个小女孩计较算唔算系男人！于是，我发动群众的力量叼他！他害怕了，不出声向前插，又撞了小动物一下，我火了，我说是不是想打架，男人就不要打女人，单挑。他怕啊，但是还是向前插，我猛叫，有本事往后走。骂到那个女仔喊到扑低左，我先收声。睇完意大利馆，8点半，马上去排德国馆，因为之前德国馆有人讲系9点半先关闭排队的，结果，这次7点半就关闭排队了。唉，如果开始排德国馆多好啊，一晚上攻陷德国和意大利！仲有，意大利有个餐厅的，听闻可以入去消费唔使排队的！无啦，苏州过后无艇搭啦！咁跑去新加坡馆，中途经过芬兰馆同葡萄牙，顺道攻陷佢。蛋挞好好食啊！然后继续往新加坡进发，来到澳大利亚馆前面，发现，日头要排2个钟的馆竟然无人，于是，顺道攻陷之。但是，后悔啊，澳大利亚逼住我地睇果个好无聊的表演，讲实话，好一般，搞到攻陷唔到新加坡！！！唔系攻陷埋新加坡了。最后，发现泰国馆竟然未关，入去睇左个好可爱的4D电影，好互动，好好玩啊！泰国馆个泰妹讲野都好过瘾啊！
　　6月17日，最后一日入园了。我提议大家早d起身，冲击沙特馆（其实我想用普通票换取城市名片册的），但系，好无奈，大家都唔同意。唯有，在10点9个字入馆，一入馆，我从d区搭车到e区，一落车就冲去北部询问处拿名片册。结果，跑到我身水身汗，见到沙特馆名片册最后两张发完！！！人世最悲哀的事情，莫过于此啊！！！无法啦，好无心机，先去比利时馆食饭，可以直通比利时馆。一定要食啊，排左咁多日队，如果真系可以用钱解决问题的，真系唔系问题啊！食完饭，睇埋比利时馆，抽埋钻石（当然唔中），去攻陷德国馆啊！排左两个半钟头，打下机，吹下水，又真系唔觉哦，4点几出来。搭车去到沙特馆，想试下。问下个阿姨，阿姨话排左六个钟了，然后个工作人员话此处离入馆还有3小时，不用问了，走！去朝圣啊，尼泊尔馆！朝圣完，去新加坡馆，排左两个钟，搞掂新加坡馆，就去排日本馆了用左3个几钟，入到去，竟然系睇昆剧！！！所以劝大家千奇唔好排日本馆！！搞掂日本馆，度度都关门了，无野食卖，唯有翻归啦。