盲头乌蝇的一个下午

　　一个奔波劳碌既下昼......
　　陪阿妈去芳村之后搭巴士到芳村隧道口搭铁直队烈士陵园站既地王广场,系地王转左一大轮先稳到果间叫做＂女馆＂既小店,帮一个我唔识而且从来未见过面既女仔买鞋...因为个女仔系我姐妹肥M既朋友...去到问起对鞋,店员话得36码,而且只鞋厂家唔再出,绝版甘话喔~打电话比肥M,关机...稳阿蚊,阿蚊话帮我稳距,为左消磨时间系地王乱逛~若干分钟后得知36码照杀,返转头,重新稳一次间女馆,准备交钱既时候又有问题,380打8折然后再平多十蚊,294?距交带话270噶喔~无奈再打电话比肥M,无法接通,很好~再次打比阿蚊,阿蚊发左肥M宿舍电话比我,我另外都有发短比肥M~系我犹豫有无必要打距宿舍电话既时候肥M打翻电话比我,话之前手机无电,非常好~经过一番电话会议之后以280大元成交,爽快甘比钱之后(反正唔系自己钱),撇~ 出左地王,死啦,我应该去边搭车?地铁翻唔到屋企噶喔~好似系左边,行(hang)~顺手发条短比肥M话交易成功.到左东华东之后发觉唔对路,无车岩,原先个站唔知因乜野停用...我顶...无聊甘去旁边书报摊装下,手机响,肥M话个店员都系决定收翻270,所以要我行翻去地王拿翻10蚊...大佬,我比10蚊你无甘嬲啦~算,行(hang)就行(hang),返程再次进入地王森林寻找果间小店,店员恭敬甘递左10蚊比我同时讲唔好意思.离开间＂女馆＂既时候我觉得好似依度真系一间旅馆,又出又入...... 出黎之后去K记食左个飞燕虾,味道好一般,唔值10蚊...然后按肥M讲既去陵园西搭车,无车,继续向下边行,一直走到先烈南过马路系市八医院站搭车翻去...和平新村落车,走翻去南岸既屋企,就快6点...
　　好啦,各位观众,我沉闷既＂盲头乌蝇的故事＂就此结束,如果你可以忍住睇晒篇野无痴线,甘你大概可以明白依只盲头乌蝇一整个下昼既心情.虽然郁闷不过都有收获,第一系我发觉如果无地铁学生卡既话分分钟坐地铁都坐到我穷,要尽快整翻张学生卡先过到日子.第二系我觉得叫M仔既依个姐妹无好带歇,下次应承你之前霖过先勒~
　　最后,我既好姐妹肥M好无人性甘要我拿对鞋比距,虽然未知道具体地点,但系由广州西边既南岸路去到东站再搭巴士先去到既话绝对唔系好玩既......人工时间唔同你计,车费都唔少野~做好人都有个限度...
　　要我送过去?哼哼,除非~~~~除非比钱买鞋果个(阿花吓嘛?)肯请我食饭,甘就可以考虑下~
　　考虑下咋~