2011年04月15日生活习惯

　　天啊，我真系好睇唔顺眼自己既生活习惯
　　要自己睇唔顺眼自己既生活习惯，难度系数真系好高，但系我做到左。
　　一个人生活，系唔系真系一定要随心所欲先可以体现出单身既美好？
　　我几满意宜家既生活，但我宜家既生活就系由我睇唔顺眼既生活习惯所形成。
　　唔钟意既生活习惯组成好钟意既生活模式，宜句话系唔系好矛盾？
　　我钟意赖床，超钟意赖床，醒左我都可以系床上赖几个钟。
　　就因为我赖床既感觉，我曾经试过闹钟调系半夜两三点响
　　跟住我就可以系床上赖好耐。
　　以前同阿妈住，赖极都有个极限，阿妈会叫起身食饭
　　宜家一个人住，无人煮饭，于是放假期间我就由一开始10点左右离开张床到宜家1点几先离开。
　　于是早餐无食，中午饭无食，直接下午3、4点食下午茶。
　　其实我早上安排左好多野做架，例如洗衫啦，例如睇书啦，例如上网买野啦，又例如自己煮返个早餐啦
　　点解我甘钟意赖床？
　　话说我细个时住系婆婆屋企，放假其实我好早就醒左，亦都好想起床
　　但问题婆婆一见到我，就会叫我去学习，于是就算醒左，我都会床上赖好耐好耐
　　我记得读小学时，有一日放假我6点钟就醒左，跟住就去洗手间
　　婆婆见到我由洗手间出来，就同我讲＂反正都醒了，早上记忆力好，去背背书吧！＂
　　其实当时我想去完洗手间再睡过。
　　于是除左赖床之外，我自认忍耐力都唔错。
　　另外一个习惯就系决定左要做既野，往往都无下文
　　赖床令我一连串准备要做既野无左下文
　　上网同发呆都同样会令我准备要做既野无左下文
　　计划表相信只要读过书既人都会做过，咩新学期计划表、学习计划表之类
　　每一次做学习性既计划表我都当系写作文，写完就算啦。
　　往往一份新既计划表，头三日一定会被人逼住去实行。
　　一个人生活，无人会逼啦
　　宜家就连玩既计划表都实行唔到？
　　我明明计划好上网要先买野，然后要睇小说，再然后追剧，跟住10点钟关电脑睡觉
　　结果我开左电脑，上左空间玩QQ超市，然后野又无买，小说无睇，剧又无追，然后就晚上12点几啦
　　但又我唔觉得我玩QQ超市玩上隐，以前无QQ超市既时候，我都系唔知做咩时间一下就过左。
　　一个人既生活，应该要每日烦恼放工返到屋企一个人会寂寞，会无聊，会想有人陪
　　但点解我宜家一D空闲时间都无？
　　我觉得生活应该可以好似玩QQ游戏甘，唔好理升级得快唔快，
　　好似QQ农场、QQ超市，只要你入左厘个游戏，就算一日只系种一颗牧草
　　总有一日农场会升级。成个游戏，只要你玩，就会慢慢甘前进
　　但生活唔系既哦，我宜家生活甘，即系我已经参与左，日子一日一日甘过
　　但日子一日一日甘过，唔代表一日一日甘前进。
　　时间同生活唔系同一样野。
　　我过日子，我一直都以为自己系度前进甘，我都想努力甘前进
　　就算我前进得好慢好慢，我都相信总有一日我既生活会升级
　　但我宜家发现，原来我一直一直原地踏步。
　　如果想生活真系有所前进，我系唔系应该改晒D生活习惯呢？
　　但生活习惯系好大一方面，系由个人性格所形成
　　如果要改生活习惯，系唔系要先改左性格？
　　连性格都改，甘我会唔会仲系我呢？
　　其实我都满意我自己宜家个性格，亦都好钟意宜家个生活
　　但就好唔满意自己既生活习惯~~~~？